Brahmanandam | నేను అందుకే సినిమాలు చేయ‌ట్లేదు : బ్ర‌హ్మనందం

Brahmanandam | తాను ఎందుకు సినిమాలు త‌గ్గించానో వెల్ల‌డించారు టాలీవుడ్ కామెడీ కింగ్ బ్రహ్మానందం. ఆయ‌న ప్ర‌ధాన పాత్ర‌లో న‌టిస్తున్న తాజా చిత్రం ‘బ్రహ్మ ఆనందం’(Brahma Anandam). ఈ సినిమా టీజ‌ర్ వేడుక‌లో పాల్గోన్న బ్ర‌హ్మి ఆస‌క్తిక‌ర విష‌యాల‌ను పంచుకున్నాడు.

Brahma Anandam | కామెడీ కింగ్ బ్రహ్మానందం, ఆయన తనయుడు రాజా గౌతమ్ ప్ర‌ధాన పాత్ర‌ల్లో న‌టిస్తున్న తాజా చిత్రం ‘బ్రహ్మ ఆనందం’(Brahma Anandam). వెన్నెల కిషోర్ కీల‌క పాత్ర‌లో న‌టిస్తున్నాడు. ఆర్‌వీఎస్‌ నిఖిల్ ద‌ర్వ‌కత్వం వ‌హిస్తున్న ఈ సినిమాను స్వధర్మ్‌ ఎంటర్‌టైన్‌మెంట్ బ్యాన‌ర్‌పై రాహుల్‌ యాదవ్‌ నక్కా నిర్మిస్తున్నారు. ఫిబ్ర‌వ‌రి 14న ప్రేక్ష‌కుల ముందుకు రానుంది ఈ చిత్రం.

అయితే ఈ సినిమా వేడుక‌లో పాల్గోన్న బ్ర‌హ్మి మాట్లాడుతూ.. తాను సినిమాలు చేయ‌డం లేద‌ని ఈ మ‌ధ్య కొంద‌రూ అంటున్నారు. అలాగే బ్ర‌హ్మి బాగానే చేస్తున్నాడు కానీ ఇంత‌కుముందు చేసిన‌ట్లు చేయ‌ట్లేదు అని కామెంట్లు కూడా వినిపించాయి. అయితే దీనికి కార‌ణం నా వ‌య‌సు. మ‌న వ‌య‌సును మ‌నం దృష్టిలో పెట్టుకోవాలి. ఎందుకంటే ఇంత‌కుముందు చేసిన‌ట్లు ఇప్పుడు చేయాలంటే కుద‌ర‌దు. ఇంత‌కుముందు చాలా యాక్టివ్‌గా చేసేవాడిని కానీ ఇప్పుడు అలా లేదు. అందుకే సినిమాలు త‌గ్గించాను. అంతేగానీ నాకు అవ‌కాశ‌లు రాక‌పోవ‌డం.. లేదా చేయ‌లేక కాదు.. 30 ఇయర్స్‌ ఇండస్ట్రీ అన్న ప‌దాలు మెడ‌లో త‌గిలించుకోవ‌డానికే ప‌నికి వ‌స్తాయి. అందుకే ఎప్ప‌టిక‌ప్పుడు మ‌న‌ల్ని మ‌నం చెక్ చేసుకుంటూ ఉండాలి అంటూ బ్ర‌హ్మి చెప్పుకోచ్చాడు.