NBK108 Movie | ‘అఖండ’తో తిరుగులేని కంబ్యాక్ ఇచ్చిన బాలయ్య అదే జోష్తో సంక్రాంతికి ‘వీరసింహా రెడ్డి’తో వచ్చాడు. తొలిరోజే డివైడ్ టాక్ తెచ్చుకున్న ఈ సినిమా.. టాక్తో సంబంధంలేకుండా కళ్లు చెదిరే కలెక్షన్లతో వంద కోట్ల బొమ్మగా నిలిచింది. ఇలా బ్యాక్ టు బ్యాక్ హిట్లతో టాలీవుడ్ స్టార్ హీరోలకు బాలయ్య పోటీగా నిలుస్తున్నాడు. ఇక ప్రస్తుతం బాలకృష్ణ, అనీల్ రావిపూడితో సినిమాకు సిద్దమవుతున్నాడు. కామెడీ సినిమాలకు కేరాఫ్ అడ్రస్ అయిన అనీల్.. తొలిసారి బాలయ్యతో అవుట్ అండ్ అవుట్ మాస్ సినిమాను తెరకెక్కించడానికి ముస్తాబవుతున్నాడు. ప్రస్తుతం ప్రీ ప్రొడక్షన్ పనులు జరుపుకుంటున్న ఈ చిత్రం త్వరలోనే సెట్స్ మీదకు వెళ్లనుంది.
ఇదిలా ఉంటే తాజాగా ఈ సినిమాకు సంబంధించిన ఓ వార్త నెట్టింట తెగ వైరల్గా మారింది. ఈ సినిమాలో బాలయ్యతో ఢీ కొట్టే విలన్గా బాలీవుడ్ భామ నోరా ఫతేహి నటిస్తున్నట్లు సమాచారం. ఇప్పటికే కథా చర్చలు కూడా ముగిసాయని టాక్. ఈ మూవీలో నోరా పాత్ర చాలా వైలెంట్గా ఉండనున్నట్లు తెలుస్తుంది. అంతే కాకుండా నోరాకు బాలయ్యకు మధ్య ఓ ఫైటింగ్ సీన్ను కూడా అనిల్ ప్లాన్ చేశాడట. అది సినిమాకే హైలైట్గా నిలుస్తుందని టాక్. ఏదేమైనా బాలయ్యతో బాలీవుడ్ భామ ఢీ కొట్టనుందనడంతో ఈ సినిమాపై ఎక్కడలేని హైప్ క్రియేట్ అయింది. గతంలో నోరా ‘బాహుబలి’ సినిమాలో ‘మనోహరి’ సాంగ్లో కనిపించింది. మళ్లీ దాదాపు 8ఏళ్ల తర్వాత తెలుగులో సినిమా చేస్తుంది.
అవుట్ అండ్ అవుట్ యాక్షన్ ఎంటర్టైనర్గా తెరకెక్కనున్న ఈ సినిమాలో బాలయ్య తండ్రి పాత్ర పోషించనున్నాడు. యంగ్ సెన్సేషన్ శ్రీలీల బాలయ్య కూతురుగా నటించనుంది. షైన్ స్క్రీన్ పతాకంపై సాహు గారపాటి, హరీష్ పెద్ది సంయుక్తంగా ఈ సినిమాను నిర్మిస్తున్నాడు. థమన్ సంగీతం అందిస్తున్న ఈ సినిమలో బాలయ్యకు జోడీగా కాజల్ అగర్వాల్ నటించనుంది. వీలైనంత త్వరగా షూటింగ్ పూర్తి చేసి దసరా బరిలో ఈ సినిమాను దింపాలని మేకర్స్ సన్నాహాలు చేస్తున్నారు.