Bigg Boss 10 | బిగ్‌బాస్ 10లో ఒక్కసారిగా మారిన సీన్.. భార్య స్వీట్ వార్నింగ్‌తో త్రిగుణ్ ఎమోషనల్..!

Bigg Boss 10 | బుల్లితెర ప్రేక్షకులను ఎంతగానో అలరిస్తున్న ‘బిగ్‌బాస్ తెలుగు సీజన్ 10’ రోజురోజుకూ ఆసక్తికరంగా మారుతోంది. ఇప్పటికే పది వారాలు పూర్తికావస్తుండటంతో హౌస్‌లో పోటీ మరింత రసవత్తరంగా సాగుతోంది. ప్రస్తుతం బిగ్‌బాస్ ఫ్యామిలీ వీక్ నిర్వహిస్తున్నారు. ఇందులో భాగంగా కంటెస్టెంట్ల కుటుంబ సభ్యులు ఒక్కొక్కరిగా హౌస్‌లోకి వస్తూ సందడి చేస్తున్నారు.

Bigg Boss 10 | బుల్లితెర ప్రేక్షకులను ఎంతగానో అలరిస్తున్న ‘బిగ్‌బాస్ తెలుగు సీజన్ 10’ రోజురోజుకూ ఆసక్తికరంగా మారుతోంది. ఇప్పటికే పది వారాలు పూర్తికావస్తుండటంతో హౌస్‌లో పోటీ మరింత రసవత్తరంగా సాగుతోంది. ప్రస్తుతం బిగ్‌బాస్ ఫ్యామిలీ వీక్ నిర్వహిస్తున్నారు. ఇందులో భాగంగా కంటెస్టెంట్ల కుటుంబ సభ్యులు ఒక్కొక్కరిగా హౌస్‌లోకి వస్తూ సందడి చేస్తున్నారు. తమ వాళ్లను చూసిన కంటెస్టెంట్లు భావోద్వేగానికి గురవుతుండగా, కుటుంబ సభ్యులు ఇచ్చే సలహాలు, సూచనలు షోకు మరింత ఆసక్తిని తీసుకొస్తున్నాయి. ఇక శుక్రవారం ప్రసారమైన 68వ ఎపిసోడ్‌లో త్రిగుణ్ కుటుంబ సభ్యులతో పాటు నీతూ నటరాజ్ మాస్టర్ భర్త నటరాజ్ మాస్టర్ హౌస్‌లోకి వచ్చారు. మరోవైపు కెప్టెన్సీ టాస్క్ సందర్భంగా వర్షిణి, ముఖేష్ మధ్య జరిగిన గొడవ హాట్ టాపిక్‌గా మారింది.

ఫ్యామిలీ వీక్‌లో భాగంగా త్రిగుణ్ భార్య, కూతురు బిగ్‌బాస్ హౌస్‌లోకి ఎంట్రీ ఇచ్చారు. తన భార్యను, చిన్నారిని చూసిన త్రిగుణ్ ఆనందానికి అవధులు లేకుండా పోయాయి. కూతురిని దగ్గరకు తీసుకుని ప్రేమగా హత్తుకోవడంతో పాటు భార్యతో కాసేపు మనసువిప్పి మాట్లాడారు. ఈ ఎమోషనల్ మూమెంట్ ప్రేక్షకులను ఆకట్టుకుంది. ఈ సందర్భంగా త్రిగుణ్ ఆటతీరుపై ఆయన భార్య కీలక సూచనలు చేశారు. ప్రస్తుతం ఆట చాలా బాగా ఆడుతున్నావని, ఇదే జోరును కొనసాగించాలని చెప్పారు. హౌస్‌లో చాలామంది నిన్ను డిస్టర్బ్ చేయడానికి ప్రయత్నిస్తారని, అలాంటి విషయాలకు ప్రాధాన్యత ఇవ్వకుండా నీ ఆటపైనే దృష్టి పెట్టాలని సూచించారు.

ఈ క్రమంలో తాను బిగ్‌బాస్ టైటిల్ గెలుస్తానా? అని త్రిగుణ్ అడగ్గా.. కచ్చితంగా కప్ తీసుకురావాల్సిందే అంటూ ఆయన భార్య స్వీట్ వార్నింగ్ ఇచ్చారు. నువ్వే విజేతగా నిలవాలని కోరుకుంటున్నానని చెప్పడంతో త్రిగుణ్ ఆనందానికి గురయ్యారు. ఆ తర్వాత నీతూ నటరాజ్ మాస్టర్ భర్త నటరాజ్ మాస్టర్ తన కూతురితో కలిసి బిగ్‌బాస్ హౌస్‌లోకి వచ్చారు. ఆయన ఎంట్రీతో హౌస్‌లో సందడి నెలకొంది. తనదైన స్టైల్‌లో డ్యాన్స్ చేస్తూ అందరినీ అలరించారు. అనంతరం హౌస్‌మేట్స్‌తో మాట్లాడి వారి ఆటతీరుపై తన అభిప్రాయాలను పంచుకున్నారు. ముఖ్యంగా భార్య నీతూను చూసి ఆమెకు ధైర్యం చెప్పారు. హౌస్‌లో ఉన్నప్పుడు కన్నీళ్లు పెట్టుకోవద్దని, ధైర్యంగా ఆట కొనసాగించాలని సూచించారు. నువ్వు హౌస్‌లో నీ ఆట నువ్వు చూసుకో.. బయట కుటుంబ బాధ్యతలను నేను చూసుకుంటానని భరోసా ఇచ్చారు.

అంతేకాకుండా నీతూ తనకు డబుల్ అని చెబుతూ, భావోద్వేగాలకు లోనుకాకుండా కన్నీళ్లనే బలంగా మార్చుకుని ముందుకు సాగాలని ప్రోత్సహించారు. భర్త ఇచ్చిన ధైర్యంతో నీతూ కూడా భావోద్వేగానికి గురయ్యారు. ఈ సన్నివేశం ఫ్యామిలీ వీక్‌లో మరో ప్రత్యేక ఆకర్షణగా నిలిచింది. ఒకవైపు కుటుంబ సభ్యుల రాకతో హౌస్‌లో ఎమోషనల్ వాతావరణం నెలకొనగా, మరోవైపు కెప్టెన్సీ టాస్క్‌లో మాత్రం పరిస్థితి పూర్తిగా మారిపోయింది. బిగ్‌బాస్ కంటెస్టెంట్లకు నంబర్లతో కూడిన బ్లాక్స్ టాస్క్ ఇచ్చారు. బజర్ మోగే సమయానికి కేటాయించిన బ్లాక్‌లో నిలబడని వారు పోటీ నుంచి తప్పుకోవాల్సి ఉంటుంది.

ఈ టాస్క్‌లో రామకృష్ణ క్వాలిఫై అయ్యారు. అయితే టాస్క్‌కు సంచాలక్‌గా వ్యవహరించిన వర్షిణి, నిబంధనల ప్రకారం బ్లాక్‌లో లేని కంటెస్టెంట్లను తొలగించే క్రమంలో స్వేత నాయుడు విషయంలో వివాదం మొదలైంది. ఈ విషయంపై వర్షిణి, ముఖేష్ మధ్య మాటామాటా పెరిగింది. అప్పటివరకు సన్నిహితంగా కనిపించిన వర్షిణి, ముఖేష్ ఒక్కసారిగా గొడవకు దిగడం హౌస్‌మేట్స్‌ను ఆశ్చర్యానికి గురిచేసింది. వాదన తీవ్రం కావడంతో వర్షిణి ముఖేష్‌ను తోసినట్లు సమాచారం. దీంతో ముఖేష్ ఆమెను తోయవద్దంటూ హెచ్చరించారు. కొద్దిసేపు ఇద్దరి మధ్య వాగ్వాదం కొనసాగడంతో హౌస్‌లో వాతావరణం వేడెక్కింది.