ఆ రోజు కోసం నిరీక్షిస్తున్నా!
కాస్త అమాయకత్వం కలబోసిన ప్రసన్న వదనం, చూడగానే ఇట్టే ఆకట్టుకునే చక్కటి రూపలావణ్యం, నాజూకు సొగసుల మెరుపులతో కుర్రకారులో మంచి ఫాలోయింగ్ను సంపాదించుకుంది మరాఠీ అందాలరాశి భాగ్యశ్రీ బోర్సే. ‘మిస్టర్ బచ్చన్'తో తెలుగులో అరంగేట్రం చేసి ఆపై కింగ్డమ్, ఆంధ్ర కింగ్ తాలూకా చిత్రాలతో ప్రేక్షకులకు దగ్గరైంది.
కాస్త అమాయకత్వం కలబోసిన ప్రసన్న వదనం, చూడగానే ఇట్టే ఆకట్టుకునే చక్కటి రూపలావణ్యం, నాజూకు సొగసుల మెరుపులతో కుర్రకారులో మంచి ఫాలోయింగ్ను సంపాదించుకుంది మరాఠీ అందాలరాశి భాగ్యశ్రీ బోర్సే. ‘మిస్టర్ బచ్చన్’తో తెలుగులో అరంగేట్రం చేసి ఆపై కింగ్డమ్, ఆంధ్ర కింగ్ తాలూకా చిత్రాలతో ప్రేక్షకులకు దగ్గరైంది. తాజా చిత్రం ‘లెనిన్’తో ఈ భామ కెరీర్లో తొలి విజయాన్ని అందుకుంది. ఇందులో ఆమె పోషించిన భారతి పాత్రకు సర్వత్రా ప్రశంసలు దక్కుతున్నాయి. ఈ సందర్భంగా సోమవారం భాగ్యశ్రీబోర్సే పాత్రికేయులతో తన ఆనందాన్ని పంచుకుంటూ చెప్పిన సంగతులివి..
- ‘లెనిన్’ చిత్రానికి అద్భుతమైన స్పందన లభిస్తున్నది. ప్రతీ ఒక్కరూ సినిమా గురించి పాజిటివ్గా మాట్లాడుతున్నారు. భారతి పాత్రలో నా నటన బాగుందని చాలా మెసేజ్లు వస్తున్నాయి. ఈ సినిమా విషయంలో మా టీమ్ అంచనాలన్నీ నిజమయ్యాయి. అందుకే ఈ సక్సెస్ ఎమోషనల్గా అనిపిస్తున్నది.
- ‘హైదరాబాద్ నా కర్మభూమి, ఇక్కడే చివరి చిత్రాన్ని చేస్తాను’ అని ఇటీవల సక్సెస్మీట్లో చెప్పాను. తెలుగు ప్రేక్షకులు నన్ను సొంత అమ్మాయిలా ఆదరించారు. నా సినీ ప్రయాణం హైదరాబాద్ నుంచే మొదలైంది. అందుకే ఈ నగరంతో, తెలుగు సినిమాతో జీవితాంతం అనుబంధం కొనసాగించాలనుకుంటున్నాను.
- ‘లెనిన్’ కథ చెప్పినప్పుడే హృదయాన్ని కదిలించింది. నటనకు అవకాశం ఉన్న మంచి పాత్ర అని అప్పుడే అర్థమైంది. ఇప్పుడు భారతి పాత్రను ప్రేక్షకులు అభిమానించడం ఆనందంగా ఉంది. ఈ పాత్ర నా జీవితాంతం గుర్తుండిపోతుంది. ఇకపై మంచి కథలు, పాత్రలు ఎంచుకోవాలనే బాధ్యతను ఈ సినిమా గుర్తుచేసింది. అన్నింటికంటే ముఖ్యంగా నాగార్జునగారు వేదికపై నా నటనను మెచ్చుకోవడం చాలా సంతోషంగా అనిపించింది.
- భవిష్యత్తులో లార్జర్ దేన్ లైఫ్ సినిమాల్లో మహారాణి, యువరాణి పాత్రలు చేయాలనుంది. అలాంటి సినిమాల్లో రాజమౌళిగారు మాస్టర్. ఎప్పుడో ఒక రోజు ఆయన దర్శకత్వంలో నటించాలన్నది నా కోరిక. అది తీరే రోజు కోసం వేచిచూస్తున్నా. ప్రస్తుతం తమిళంలో శివకార్తికేయన్తో సినిమా చేస్తున్నా. తెలుగులో కూడా కొన్ని సినిమాలు చర్చల దశలో ఉన్నాయి. ఆ వివరాలను త్వరలో వెల్లడిస్తా.
Read Today's Latest Cinema News in Telugu and Telugu News
RELATED ARTICLES
తాజా వార్తలు
KTR | రేవంత్ పాలనలో పల్లె నుంచి పట్నం వరకు అంతా విధ్వంసమే.. ఆర్బీఐ నివేదికపై కేటీఆర్ ధ్వజం
ఫోన్ చూడొద్దని తల్లి మందలించిందని మనస్తాపం.. ఇద్దరు పిల్లలను టీవీ ముందు కూర్చోబెట్టి వివాహిత ఆత్మహత్య
RC 17 | సుకుమార్ సినిమా కోసం రామ్ చరణ్ కొత్త లుక్.. బరువు తగ్గడం కోసం ప్రత్యేక శిక్షణ!
ఉప్పల్ భగాయత్లో ఘోర ప్రమాదం.. డివైడర్ను ఢీకొని ఇద్దరు యువకులు మృతి
KTR | గూండాయిజంతోనే కంపెనీలను భారత్కు తీసుకొస్తారా.. రాహుల్ గాంధీని నిలదీసిన కేటీఆర్
ట్రెండింగ్ వార్తలు
Vande Bharat Train | బంధువులను సాగనంపేందుకు వందే భారత్ రైలు ఎక్కిన 12 మంది.. తర్వాత ఏం జరిగిందంటే?
Watch: హాస్పిటల్ యజమానిని బెదిరించి రూ.10 లక్షలు వసూలు.. కాంగ్రెస్ నేత అరెస్ట్, పార్టీ నుంచి బహిష్కరణ
Watch: ‘బ్యాగ్లో గంజాయి పెడతా.. డ్రగ్స్ కేసులో ఇరికిస్తా’.. జంటను బెదిరించిన పోలీస్ అధికారి
Migratory birds | చిలికా సరస్సుకు ప్రత్యేక అతిథులు.. ఏకంగా 80 జాతుల వలసపక్షుల సందడి.. Video
China flies electric plane | 19 సీట్ల ఎలక్ట్రిక్ విమానం.. విజయవంతంగా నడిపి పరీక్షించిన చైనా

