అఖండ, వీరసింహారెడ్డి విజయాలతో మంచి జోష్మీదున్నారు నందమూరి బాలకృష్ణ. ఆయన తాజా సినిమా ‘భగవంత్ కేసరి’. అనిల్ రావిపూడి దర్శకత్వం వహిస్తున్న ఈ సినిమాపై భారీ అంచనాలే ఉన్నాయి. అక్టోబర్ 19న సినిమాను విడుదల చేయనున్నట్టు నిర్మాతలు సాహు గారపాటి, హరీశ్ పెద్ది ఇప్పటికే ప్రకటించారు.
అయితే.. ప్రకటించిన తేదీన ఈ సినిమా విడుదలవ్వడం కష్టమనీ, కొంత షూటింగ్ బ్యాలెన్స్ ఉన్న కారణంగా రిలీజ్ వాయిదా పడే అవకాశం ఉందంటూ సాంఘిక మాధ్యమాల్లో వార్తలు హల్చల్ చేస్తున్నాయి. అయితే.. ఆ వార్తల్లో నిజం లేదని, అనుకున్న తేదీనే ‘భగవంత్ కేసరి’ ప్రేక్షకులముందుకొస్తాడని చిత్ర యూనిట్ చెప్పారు. ఇంకా మూడురోజుల షూటింగ్ మాత్రమే మిగిలి ఉండటంతో, ప్రస్తుతానికి పోస్ట్ప్రొడక్షన్ పనుల్లో బిజీగా ఉన్నారట దర్శకుడు అనిల్. త్వరలో ఆ మూడురోజుల బ్యాలన్స్ కూడా పూర్తిచేసి, అక్టోబర్ 19న సినిమాను విడుదల చేస్తారని తెలిసింది.