Dolly Sohi | గర్భాశయ క్యాన్సర్‌తో టీవీ నటి మృతి

Dolly Sohi | బాలీవుడ్‌ చిత్ర పరిశ్రమలో తీవ్ర విషాదం చోటు చేసుకుంది. టెలివిజన్‌ నటి డాలీ సోహీ (Dolly Sohi) కన్నుమూశారు. ప్రస్తుతం ఆమె వయసు 47.

Dolly Sohi | బాలీవుడ్‌ చిత్ర పరిశ్రమలో తీవ్ర విషాదం చోటు చేసుకుంది. టెలివిజన్‌ నటి డాలీ సోహీ (Dolly Sohi) కన్నుమూశారు. ప్రస్తుతం ఆమె వయసు 47. గత కొన్ని రోజులుగా గర్భాశయ ముఖ ద్వార క్యాన్సర్‌ (Cervical Cancer)తో బాధపడుతున్న డాలీ.. నవీ ముంబై (Navi Mumbai)లోని అపోలో ఆసుపత్రి (Apollo Hospital)లో చికిత్స పొందుతూ శుక్రవారం ఉదయం తుది శ్వాస విడిచారు. డాలీ సోదరి అమన్‌దీప్‌ కూడా ప్రాణాలు కోల్పోయారు. ఈ విషయాన్ని ఆమె కుటుంబ సభ్యులు తెలియజేశారు. గంటల వ్యవధిలోనే ఇద్దరు చనిపోవడంతో డాలీ కుటుంబం తీవ్ర శోకసంద్రంలో మునిగిపోయింది.

‘డాలీ ఇక లేరు. ఈ తెల్లవారుజామున 4.00 గంటలకు అపోలో ఆసుపత్రిలో తుదిశ్వాస విడిచారు. ఆమె గత కొంతకాలంగా గర్భాశయ క్యాన్సర్‌తో బాధపడుతున్నారు. ఈ క్యాన్సర్‌ ఊపిరితిత్తులకు వ్యాపించింది. ఈ క్రమంలో ఆరోగ్యం క్షీణించడంతో మేము నిన్న రాత్రి ఆసుపత్రిలో చేర్చాము. అక్కడ చికిత్స పొందుతూ ప్రాణాలు కోల్పోయింది’ అని డాలీ సోదరుడు మన్‌ప్రీత్ తెలిపారు. అదేవిధంగా మరో సోదరి అమన్‌దీప్‌ కామెర్ల కారణంగా డీవై పాటిల్‌ ఆసుపత్రిలో చికిత్స పొందుతూ గురువారం మరణించినట్లు వెల్లడించారు.

Also Read..

flight loses tyre | విమానం టేకాఫ్‌ కాగానే ఊడిన చక్రం.. వీడియో

Kedarnath Yatra | మే 10న కేదార్‌నాథ్‌ ఆలయం ఓపెన్‌

Saudi Arabia | వివాదానికి దారితీసిన రోబో చర్య.. మహిళా రిపోర్టర్‌ను అనుచితంగా తాకి.. VIDEO