వచ్చే నెల నుంచే యాక్షన్‌?

కొరటాల శివ దర్శకత్వంలో అగ్రహీరో నందమూరి బాలకృష్ణ నటించనున్న భారీ ప్రతిష్టాత్మక చిత్రం ప్రారంభోత్సవం ఈ నెల 25న జరుగనున్నట్టు తెలిసింది. సుధాకర్‌ చెరుకూరి, మిక్కిలినేని సుధాకర్‌ కలిసి నిర్మించనున్న ఈ సినిమాలో బాలకృష్ణ సరికొత్త మేకోవర్‌లో కనిపించబోతున్నట్టు వినికిడి.

కొరటాల శివ దర్శకత్వంలో అగ్రహీరో నందమూరి బాలకృష్ణ నటించనున్న భారీ ప్రతిష్టాత్మక చిత్రం ప్రారంభోత్సవం ఈ నెల 25న జరుగనున్నట్టు తెలిసింది. సుధాకర్‌ చెరుకూరి, మిక్కిలినేని సుధాకర్‌ కలిసి నిర్మించనున్న ఈ సినిమాలో బాలకృష్ణ సరికొత్త మేకోవర్‌లో కనిపించబోతున్నట్టు వినికిడి. జూలై రెండోవారం నుంచి ఈ సినిమా తొలి షెడ్యూల్‌ మొదలుకానున్నది.

యాక్షన్‌ సీక్వెన్స్‌తో మొదలయ్యే ఈ షూటింగ్‌ కోసం భారీ సెట్‌ని కూడా నిర్మిస్తున్నారు. మాఫియా నేపథ్యంలో సాగే ఈ సినిమాలో ఫ్యామిలీ ఎమోషన్స్‌ కూడా మెండుగా ఉంటాయని ఇన్‌సైడ్‌ టాక్‌. ఈ సినిమాకు ‘కార్పెంటర్‌’ అనే టైటిల్‌ ప్రచారంలో ఉన్నది. డా.రాజశేఖర్‌ ఇందులో విలన్‌గా నటించనున్నట్టు కూడా వార్తలొస్తున్నాయి. ఈ సినిమా పూర్తి వివరాలతో కూడిన అధికారిక ప్రకటన రావాల్సివుంది.