Visit:
Bala Krishna | నటసింహం నందమూరి బాలకృష్ణ, స్టార్ డైరెక్టర్ కొరటాల శివ కాంబినేషన్లో తెరకెక్కబోతున్న సినిమాపై ఇప్పటికే భారీ అంచనాలు నెలకొన్నాయి. ఇప్పటివరకు బాలయ్య చేయని తరహా కథ, సరికొత్త మేకోవర్లో ఆయన కనిపించబోతున్నారనే వార్తలు సినిమాపై ఆసక్తిని మరింత పెంచుతున్నాయి. ‘దేవర’ తర్వాత కొరటాల శివ తెరకెక్కిస్తున్న చిత్రం కావడంతో ఈ ప్రాజెక్టుపై ఇండస్ట్రీలోనూ ప్రత్యేకమైన ఆసక్తి కనిపిస్తోంది. తాజా సమాచారం ప్రకారం ఈ సినిమా రెగ్యులర్ షూటింగ్కు సంబంధించిన ఏర్పాట్లు వేగంగా జరుగుతున్నాయి. అక్టోబర్ రెండో వారం నుంచి ఫస్ట్ షెడ్యూల్ను ప్రారంభించేందుకు చిత్ర బృందం సన్నాహాలు చేస్తున్నట్లు తెలుస్తోంది. ఈ షెడ్యూల్లో కీలకమైన యాక్షన్ సన్నివేశాలను చిత్రీకరించనున్నట్లు సమాచారం.
సినిమా తొలి షెడ్యూల్లోనే ప్రేక్షకులకు మాస్ ట్రీట్ ఇచ్చేలా భారీ యాక్షన్ సీక్వెన్స్ను తెరకెక్కించేందుకు సన్నాహాలు జరుగుతున్నాయట. ఇందుకోసం ప్రత్యేకంగా భారీ సెట్ను నిర్మిస్తున్నట్లు తెలుస్తోంది. ఈ సెట్లో ప్రధానంగా బాలకృష్ణ పాల్గొనే సన్నివేశాలను చిత్రీకరించనున్నట్లు సమాచారం. బాలయ్యను సరికొత్త లుక్లో చూపించడంతో పాటు, ఆయన బాడీ లాంగ్వేజ్కు తగ్గట్టుగా ఈ యాక్షన్ ఎపిసోడ్ను కొరటాల శివ డిజైన్ చేస్తున్నట్లు ఇండస్ట్రీ వర్గాల్లో టాక్ వినిపిస్తోంది. ప్రస్తుతం బాలకృష్ణ గాయం కారణంగా విశ్రాంతి తీసుకుంటున్న విషయం తెలిసిందే. షూటింగ్కు కొంత విరామం ఇచ్చిన ఆయన.. పూర్తిగా కోలుకున్న తర్వాత తిరిగి చిత్రీకరణలో పాల్గొననున్నారు.
అక్టోబర్ మొదటి వారం నుంచి బాలయ్య మళ్లీ షూటింగ్తో బిజీ కానున్నారని తెలుస్తోంది. ఆ తర్వాత కొద్దిరోజుల్లోనే ఫస్ట్ షెడ్యూల్ను ప్రారంభించి, ముందుగా ప్లాన్ చేసిన యాక్షన్ సన్నివేశాలను పూర్తి చేయాలని చిత్ర బృందం భావిస్తున్నట్లు సమాచారం. తొలి షెడ్యూల్ను సుమారు 15 రోజులకు పైగా కొనసాగించే అవకాశం ఉన్నట్లు తెలుస్తోంది. ఈ షెడ్యూల్లో బాలకృష్ణకు సంబంధించిన కీలక సన్నివేశాలతో పాటు యాక్షన్ ఎపిసోడ్ను పూర్తి చేసేలా ప్రణాళికలు సిద్ధం చేస్తున్నారట.షూటింగ్ ప్రారంభానికి ముందే సెట్ నిర్మాణం, యాక్షన్ కొరియోగ్రఫీ, ఇతర సాంకేతిక ఏర్పాట్లపై చిత్ర బృందం ప్రత్యేక దృష్టి పెట్టినట్లు సమాచారం. ‘దేవర’ తర్వాత కొరటాల శివ చేస్తున్న సినిమా ఇదే కావడంతో కథ విషయంలో ఆయన మరింత జాగ్రత్త తీసుకుంటున్నట్లు సమాచారం.
