సల్మాన్ ఖాన్ (Salman Khan) కెరీర్లో వన్ ఆఫ్ ది బెస్ట్ సినిమా బజరంగీ భాయ్జాన్ (Bajrangi Bhaijaan). పాపులర్ రైటర్ విజయేంద్ర ప్రసాద్ (Vijayendra Prasad) కథనందించగా.. టాలెంటెడ్ డైరెక్టర్ కబీర్ఖాన్ (Salman Khan) దర్శకత్వం వహించాడు. యూనివర్సల్ కథాంశంతో వచ్చిన ఈ మూవీ ఇండస్ట్రీ రికార్డులను బద్దలు కొట్టింది. ఈ ఆల్టైమ్ సూపర్ హిట్ చిత్రానికి సీక్వెల్ రాబోతుందని ఇప్పటికే వార్తలు వచ్చిన విషయం తెలిసిందే. సల్మాన్ ఖాన్ 56వ బర్త్ డే సందర్భంగా క్రేజీ అప్ డేట్ అందించాడు.
ఇంతకీ సీక్వెల్ టైటిల్ ఏంటో తెలుసా..? పవన్ పుత్ర భాయ్జాన్ (Pavan Putra Bhaijaan). ఫస్ట్ పార్టుకు కథ రాసిన విజయేంద్రప్రసాద్ రెండో పార్టుకు కూడా స్టోరీ రెడీ చేశాడట. అయితే కబీర్ ఖాన్ మరోసారి సీక్వెల్కు దర్శకత్వం వహిస్తాడా..? లేదా..? అన్న దానిపై క్లారిటీ రావాల్సి ఉంది. సల్మాన్ ఖాన్ ప్రస్తుతం టైగర్ 3, కభి ఈద్ కభి దివాళి చిత్రాలతో బిజీగా ఉన్నాడు.
ఈ రెండు సినిమాలు పూర్తి చేసిన వెంటనే పవన్ పుత్ర భాయ్జాన్ను సెట్స్ పైకి తీసుకెళ్లనున్నాడు సల్లూ భాయ్. మరి ఈ సారి సల్మాన్ ఖాన్ కోసం విజయేంద్రప్రసాద్ ఎలాంటి కథ సిద్దం చేశాడోనని ఆసక్తిగా ఎదురుచూస్తున్నారు సినీ జనాలు. ఫస్ట్పార్టులో కరీనాకపూర్ ఫీ మేల్ లీడ్ రోల్లో నటించగా..రెండో పార్టుకు ఎవరిని ఫైనల్ చేస్తారో చూడాలి. మొత్తానికి బర్త్ డే సందర్భంగా క్రేజీ అప్ డేట్ ఇచ్చి అభిమానుల్లో ఫుల్ జోష్ నింపాడు సల్మాన్ ఖాన్.