Visit:
రామ్చరణ్ ‘పెద్ది’ వేసవిలో ప్రేక్షకుల ముందుకురానుంది. కానీ ఇప్పటికే ఈ సినిమాపై అంచనాలు పతాక స్థాయికి చేరుకున్నాయి. ఫస్ట్ గ్లింప్స్ మొదలుకొని, కొద్ది రోజుల క్రితం విడుదలైన ‘చికిరి చికిరి’ పాట వరకూ ఇప్పటిదాకా విడుదలైన ప్రచార చిత్రాలన్నీ సినిమాకు మరింత ఊపుని తీసుచ్చాయి. ‘ఉప్పెన’ ఫేమ్ బుచ్చిబాబు సానా దర్శకత్వంలో రూపొందుతున్న ఈ రూరల్ స్పోర్ట్స్ డ్రామా వచ్చే ఏడాది మార్చి 27న విడుదల కానుంది.
ఈ నేపథ్యంలో సినిమాలోని ప్రధాన పాత్రల్ని ఒక్కొక్కటిగా పరిచయం చేస్తున్నారు. సోమవారం అప్పలసూరి పాత్రలో జగపతిబాబు ఫస్ట్లుక్ని విడుదల చేశారు. ఇందులో ఆయన సాల్ట్ అండ్ పెప్పర్ లుక్లో ఇంటెన్స్గా కనిపిస్తున్నారు. నెగెటివ్ షేడ్స్తో సాగే ఈ పాత్ర కథాగమనంలో కీలకంగా ఉంటుందని మేకర్స్ పేర్కొన్నారు.
జాన్వీకపూర్, శివరాజ్ కుమార్, దివ్యేందు శర్మ తదితరులు నటిస్తున్న ఈ చిత్రానికి సంగీతం: ఏ.ఆర్.రెహమాన్, నిర్మాణం: వృద్ధి సినిమాస్, నిర్మాత: వెంకట సతీష్ కిలారు, సమర్పణ: మైత్రీ మూవీ మేకర్స్, సుకుమార్ రైటింగ్స్, రచన-దర్శకత్వం: బుచ్చిబాబు సానా.
