Elimination | బిగ్‌బాస్‌ తెలుగు 10లో షాకింగ్ ఎలిమినేషన్‌.. హౌస్‌ నుంచి అపూర్వ అవుట్‌, తర్వాత శాలిని వంతేనా?

Elimination | బిగ్‌బాస్‌ తెలుగు 10వ సీజన్‌లో ఆసక్తికర పరిణామాలు చోటుచేసుకుంటున్నాయి. ఐదో వారం ఎలిమినేషన్‌ ప్రక్రియపై ఉత్కంఠ నెలకొంది. ఈ వారం హౌస్‌ నుంచి అపూర్వ బయటకు వెళ్లబోతున్నట్లు ప్రచారం జరుగుతోంది. మూడో వారంలో వైల్డ్‌కార్డు కంటెస్టెంట్‌గా హౌస్‌లోకి అడుగుపెట్టిన ఆమె.. కేవలం రెండు వారాలకే తన ప్రయాణాన్ని ముగించుకోబోతున్నట్లు వార్తలు వినిపిస్తున్నాయి.

Elimination | బిగ్‌బాస్‌ తెలుగు 10వ సీజన్‌లో ఆసక్తికర పరిణామాలు చోటుచేసుకుంటున్నాయి. ఐదో వారం ఎలిమినేషన్‌ ప్రక్రియపై ఉత్కంఠ నెలకొంది. ఈ వారం హౌస్‌ నుంచి అపూర్వ బయటకు వెళ్లబోతున్నట్లు ప్రచారం జరుగుతోంది. మూడో వారంలో వైల్డ్‌కార్డు కంటెస్టెంట్‌గా హౌస్‌లోకి అడుగుపెట్టిన ఆమె.. కేవలం రెండు వారాలకే తన ప్రయాణాన్ని ముగించుకోబోతున్నట్లు వార్తలు వినిపిస్తున్నాయి. మరోవైపు ఈ వారాంతంలో కొత్త వైల్డ్‌కార్డు కంటెస్టెంట్లు హౌస్‌లోకి ప్రవేశించనున్నారనే ప్రచారం కూడా ఆసక్తిని పెంచుతోంది. దీంతో ఈ వారం సాధారణ ఎలిమినేషన్‌ ఉంటుందా? లేక డబుల్‌ లేదా ట్రిపుల్‌ ఎలిమినేషన్‌ ఉంటుందా? అన్న చర్చ మొదలైంది. అపూర్వ ఎలిమినేషన్‌ వార్త నిజమైతే, ఈ సీజన్‌లో వైల్డ్‌కార్డు ద్వారా వచ్చిన కంటెస్టెంట్లలో ఆమె ప్రయాణం త్వరగానే ముగిసినట్లవుతుంది.

బిగ్‌బాస్‌ తెలుగు 10వ సీజన్‌కు ముందు నిర్వహించిన అగ్నిపరీక్షలో అపూర్వ తనదైన ఆటతీరుతో గుర్తింపు తెచ్చుకున్నారు. అయితే ప్రారంభంలో ఆమెకు ప్రధాన హౌస్‌లోకి నేరుగా ప్రవేశించే అవకాశం దక్కలేదు. ఆ తర్వాత వైల్డ్‌కార్డు కంటెస్టెంట్‌గా హౌస్‌లోకి అడుగుపెట్టారు. మూడో వారంలో అపూర్వతో పాటు మిథిలేష్‌ కూడా వైల్డ్‌కార్డు ఎంట్రీ ఇచ్చారు. హౌస్‌లోకి ప్రవేశించే సమయంలో అపూర్వకు అనుకూలంగా అందరూ స్పందించలేదు. కొంతమంది కంటెస్టెంట్లు ఆమెను వద్దంటూ అభిప్రాయం వ్యక్తం చేసినప్పటికీ, చివరకు ఆమెకు హౌస్‌లోకి వెళ్లే అవకాశం లభించింది. దీంతో తన ఆటతీరుతో ప్రేక్షకులను ఆకట్టుకుని ఎక్కువ రోజులు కొనసాగుతారని చాలామంది భావించారు. కానీ ప్రస్తుతం వినిపిస్తున్న ఎలిమినేషన్‌ వార్తలు ఆమె అభిమానుల్లో నిరాశను కలిగించేలా ఉన్నాయి.

హౌస్‌లోకి వచ్చిన కొద్దికాలానికే అపూర్వకు కెప్టెన్సీ బాధ్యతలు చేపట్టే అవకాశం లభించింది. సాధారణంగా కెప్టెన్‌గా ఎంపికైన కంటెస్టెంట్‌కు తన నాయకత్వ లక్షణాలను నిరూపించుకోవడానికి మంచి అవకాశం ఉంటుంది. హౌస్‌మేట్స్‌ను సమన్వయం చేసుకోవడం, పనులను విభజించడం, వివాదాలను పరిష్కరించడం వంటి అంశాల్లో కెప్టెన్‌ పాత్ర కీలకం. అయితే అపూర్వ కెప్టెన్సీపై విమర్శలు వ్యక్తమయ్యాయి. ఇతర కంటెస్టెంట్లతో సర్దుకుపోవడంలో ఆమె విఫలమయ్యారని, తన అభిప్రాయాలను బలంగా చెప్పే క్రమంలో వివాదాలకు కారణమయ్యారని కొందరు ప్రేక్షకులు అభిప్రాయపడ్డారు. ఈ వారం ఎలిమినేషన్‌ వార్తల్లో అపూర్వతో పాటు శాలిని పేరు కూడా వినిపిస్తోంది. ఐదో వారంలో డబుల్‌ ఎలిమినేషన్‌ జరిగే అవకాశముందని ప్రచారం జరుగుతోంది. అదే నిజమైతే అపూర్వ తర్వాత శాలిని కూడా హౌస్‌ నుంచి బయటకు వెళ్లే అవకాశం ఉందని ఊహాగానాలు మొదలయ్యాయి.