AP Govt Cinema Tickets | పెద్ద సినిమాల‌కు ఏపీ ప్ర‌భుత్వం షాక్‌..ఇక‌పై ప్ర‌భుత్వ నిర్ణ‌యం మేర‌కే..

సినిమా థియేట‌ర్ల (Cinema theatres)లో రోజుకు నాలుగు షోలు మాత్ర‌మే వేయాల్సిన చోట ఇష్టారీతిగా ఆరు, ఏడు షోలు వేస్తున్నార‌ని ఏపీ మంత్రి పేర్నినాని (perni nani) అన్నారు.

November 24, 2021 / 07:45 PM IST

AP Govt Cinema Tickets | పెద్ద సినిమాల‌కు ఏపీ ప్ర‌భుత్వం షాక్‌..ఇక‌పై ప్ర‌భుత్వ నిర్ణ‌యం మేర‌కే..

పెద్ద సినిమాల‌కు ఏపీ ప్ర‌భుత్వం (Government of AP) ఊహించ‌ని షాకిచ్చింది. సినిమా థియేట‌ర్ల (Cinema theatres)లో రోజుకు నాలుగు షోలు మాత్ర‌మే వేయాల్సిన చోట ఇష్టారీతిగా ఆరు, ఏడు షోలు వేస్తున్నార‌ని ఏపీ మంత్రి పేర్నినాని (perni nani) అన్నారు. బెనిఫిట్ షోల పేరుతో టికెట్‌కు రూ.500 నుంచి రూ.1000 వ‌ర‌కు వ‌సూలు చేస్తున్నార‌ని చెప్పారు. ఏపీలో ఆన్‌లైన్ సినిమా టికెట్ల అమ్మ‌కం కోసం సినిమాటోగ్ర‌ఫీ చ‌ట్టానికి స‌వ‌ర‌ణ బిల్లును మంత్రి పేర్నినాని శాస‌న‌స‌భ‌లో ప్ర‌వేశ‌పెట్టారు. ఈ సంద‌ర్భంగా ఆయ‌న మాట్లాడుతూ..టికెట్ల అమ్మ‌కాల విష‌యంలో ఏ చ‌ట్టం మ‌మ్మ‌ల్ని ఆప‌లేదని కొంద‌రు..ఏ చ‌ట్ట‌మైనా అనుకూలంగా ఉండాల‌ని మ‌రికొంద‌రు భావిస్తున్నారు.

ప్ర‌స్తుతం సినిమా థియేట‌ర్ల‌లో జ‌రుగుతున్న అవ‌క‌త‌వ‌క‌ల‌పై ఆన్‌లైన్ టికెట్ విధానం (Online ticket sale) ద్వారా అడ్డుక‌ట్ట వేయ‌వ‌చ్చు. ఇక నుంచి ప్ర‌భుత్వం నిర్దేశించిన స‌మ‌యాల్లోనే సినిమాను ప్ర‌ద‌ర్శించాలి. సినిమా టికెట్ల ధ‌ర‌ల నిర్ణ‌యం కూడా ప్ర‌భుత్వ‌ నియ‌య నిబంధ‌న‌ల‌కు లోబడే ఉంటుంది. బ‌స్సు, రైలు, విమాన టికెట్ల లాగే సినిమా టికెట్ల‌ను ఇంటి ద‌గ్గ‌రి నుంచే ఆన్‌లైన్‌లో కొనుగోలు చేయొచ్చ‌ని మంత్రి పేర్ని నాని స్ప‌ష్టం చేశారు.

ఏపీ ఫిలిం డెవ‌ల‌ప్‌మెంట్ కార్పొరేష‌న్ నిర్వ‌హ‌ణ‌..

కొత్త సినిమాల‌కు డిస్ట్రిబ్యూట‌ర్లు, నిర్మాత‌ల‌కు వ‌చ్చిన క‌లెక్ష‌న్ల‌కు, జీఎస్టీ చెల్లింపుల‌కు సంబంధం లేదని మంత్రి అన్నారు. ప్ర‌భుత్వానికి రావాల్సిన ప‌న్నులు ఆన్‌లైన్ ప‌ద్ద‌తి ద్వారా ఎప్ప‌టిలాగే వ‌స్తాయి. ఆన్‌లైన్ పోర్ట‌ల్‌ను ఏపీ ఫిలిం డెవ‌ల‌ప్‌మెంట్ కార్పొరేష‌న్ చూసుకుంటుంది. ఏ రోజుకారోజు ఆర్బీఐ గేట్ వే ద్వారా సినిమా హాళ్ల‌కు డ‌బ్బులు చెల్లిస్తాం. ప్ర‌జ‌ల‌కు మెరుగైన సేవ‌లందించేందుకే ఈ చ‌ట్టం చేశామ‌ని, అంద‌రూ మ‌ద్ద‌తు తెలుపాల‌ని విజ్ఞ‌ప్తి చేశారు మంత్రి నాని. ఏపీ ప్ర‌భుత్వం తీసుకొచ్చిన తాజా చ‌ట్టం ఆర్ఆర్ఆర్‌, భీమ్లానాయ‌క్‌, ఆచార్య సినిమాల‌పై ప్ర‌భావం చూపించ‌నుంది.