Tillu 2 | టిల్లు 2 హీరోయిన్‌గా మరో భామ పేరు.. ఈ సారైనా ఒకే అయ్యేనా..?

టిల్లు 2 (Tillu 2)తో డబుల్‌ ఎంటర్‌టైన్‌ మెంట్‌ అందించడం కోసం ఫుల్ బిజీగా ఉన్నాడు సిద్ధు జొన్నలగ‌డ్డ (Sidhu Jonnalagadda). అయితే టిల్లుతో కలిసి రొమాన్స్ చేయబోయే హీరోయిన్‌ ఎవరనే విషయంలో మాత్రం ముందునుంచీ సస్పెన్స్ కొనసాగుతూనే ఉంది.

December 8, 2022 / 07:58 PM IST

Tillu 2 | టిల్లు 2 హీరోయిన్‌గా మరో భామ పేరు.. ఈ సారైనా ఒకే అయ్యేనా..?

టాలీవుడ్‌ యువ హీరో సిద్ధు జొన్నలగ‌డ్డ (Sidhu Jonnalagadda) టిల్లు 2 (Tillu 2)తో డబుల్‌ ఎంటర్‌టైన్‌ మెంట్‌ అందించడం కోసం ప్రస్తుతం ఫుల్ బిజీగా ఉన్నాడు. టిల్లు 2 చిత్రాన్ని న‌రుడా డోన‌రుడా ఫేం మ‌ల్లిక్ రామ్ డైరెక్ట్ చేస్తున్నాడు. అయితే టిల్లుతో కలిసి రొమాన్స్ చేయబోయే హీరోయిన్‌ ఎవరనే విషయంలో మాత్రం ముందునుంచీ సస్పెన్స్ కొనసాగుతూనే ఉంది.

ఈ సినిమా హీరోయిన్‌ విషయంలో మొదట పెండ్లి సందD ఫేం శ్రీలీల పేరు తెరపైకి వచ్చింది. శ్రీలీల తాను కొన్ని సన్నివేశాల్లో నటించలేనని చెప్పి ఈ ప్రాజెక్ట్‌ నుంచి తప్పుకున్నట్టు వార్తలు వచ్చాయి.ఆ తర్వాత అనుపమ పరమేశ్వరన్‌ ఫైనల్‌ అయిందని, షూటింగ్‌ లో జాయిన్ అవ్వడమే తరువాయి అంటూ అప్‌డేట్‌ కూడా నెట్టింట హల్‌ చల్ చేసింది. అనంతరం అనుపమ కూడా తప్పుకోగా.. మడోన్నా సెబాస్టియన్‌ ఫీ మేల్ లీడ్ రోల్‌కు ఎంపికైందని ఇటీవలే మరో న్యూస్‌ ఫిలింనగర్‌లో చక్కర్లు కొట్టింది.

అయితే ఈ ముగ్గురూ కాకుండా హీరోయిన్‌గా ఇపుడు మరో భామ పేరు పరిశీలనలో ఉన్నట్టు వార్త హల్‌ చల్ చేస్తోంది. ఇంతకీ ఎవరా బ్యూటీ అనుకుంటున్నారా..? హిట్‌ 2 సినిమాతో బ్లాక్ బస్టర్ ఖాతాలో వేసుకున్న మీనాక్షి చౌదరి. మల్లిక్‌ రామ్‌ టీం మీనాక్షి (Meenakshi Chaudhary)అయితే టిల్లు2 రోల్‌కు సరిగ్గా సరిపోతుందని భావిస్తుండగా.. త్వరలోనే చర్చలు కూడా జరుపనున్నారని జోరుగా టాక్‌ నడుస్తోంది. అంతా అనుకున్నట్టు కుదిరితే టిల్లు2తో రొమాన్స్ చేయబోయే భామ మీనాక్షినే కానుంది.

తాజా అప్‌డేట్‌ కూడా గాసిప్‌లాగే మిగిలిపోతుందా..? లేదా..? చూడాలంటున్నారు సినీ జనాలు. శ్రీకర స్టూడియోస్‌ స‌మ‌ర్పణ‌లో సితార ఎంట‌ర్‌టైన్‌మెంట్స్ ప‌తాకంపై సూర్యదేవ‌ర నాగ‌వంశీ టిల్లు 2 చిత్రాన్ని నిర్మిస్తున్నారు. 2023 మార్చిలో థియేటర్లలో సందడి చేయన్నాడు టిల్లు.

టిల్లు 2 ఫన్‌ ట్రాక్‌ వీడియో..