బాధ్యతగా మెలగాలి..

అనీత్‌ పడ్డా.. ప్రస్తుతం బాలీవుడ్‌వ్యాప్తంగా మారుమోగుతున్న పేరు. అభినయం, అంతకుమించిన అందంతో.. బీటౌన్‌ను షేక్‌ చేస్తున్నదీ 22 ఏండ్ల అమృత్‌సర్‌ అమ్మడు. మొదటి సినిమాతోనే బ్లాక్‌బస్టర్‌ విజయాన్ని ఖాతాలో వేసుకొని.. ఊహించని పాపులారిటీని సొంతం చేసుకున్నది.

అనీత్‌ పడ్డా.. ప్రస్తుతం బాలీవుడ్‌వ్యాప్తంగా మారుమోగుతున్న పేరు. అభినయం, అంతకుమించిన అందంతో.. బీటౌన్‌ను షేక్‌ చేస్తున్నదీ 22 ఏండ్ల అమృత్‌సర్‌ అమ్మడు. మొదటి సినిమాతోనే బ్లాక్‌బస్టర్‌ విజయాన్ని ఖాతాలో వేసుకొని.. ఊహించని పాపులారిటీని సొంతం చేసుకున్నది. ఒక్క చిత్రంతోనే స్టార్‌ హీరోయిన్స్‌ జాబితాలోకి ఎక్కేసింది. తాజాగా, ఓ ఇంటర్వ్యూలో పాల్గొన్న అనీత్‌ పడ్డా.. తన మనస్తత్వానికి సంబంధించి పలు ఆసక్తికర విషయాలు పంచుకున్నది. తాను చాలా సెన్సిటివ్‌ అనీ.. ఏ విషయం గురించైనా చాలా లోతుగా ఆలోచిస్తానని అంటున్నది.

“మనతో ప్రేమగా ఉండే వ్యక్తుల విషయంలో.. మనం బాధ్యతగా మెలగాలి. ముఖ్యంగా, మనల్ని సమర్థించే వారితో మనం సరిగ్గా వ్యవహరించాలి. ఈ ఆలోచనలు.. నాపై ఒత్తిడిని పెంచుతాయి. అలాగే, నా అభిమానులు కూడా, చాలా విషయాల్లో నన్ను సరిదిద్దుతుంటారు” అంటూ చెప్పుకొచ్చింది. “నిజానికి నేను చిన్నప్పుడు చాలా అమాయకురాలిని. అనేక విషయాల గురించి చాలా కలలు కనే దానిని. అందుకు తగ్గట్టే హార్డ్‌వర్క్‌ చేసేదాన్ని” అంటూ తన బాల్య సంగతులను గుర్తుచేసుకున్నది. ఇక ఏ విషయం గురించైనా అతిగా ఆలోచించొద్దనీ, మీరెలా ఫీలవుతారో అలాగే ఉండాలని అంటున్నది.

అమృత్‌సర్‌లో పుట్టి పెరిగిన అనీత్‌ పడ్డా.. నటనపై ఆసక్తితో బీటౌన్‌లో అడుగుపెట్టింది. యుక్తవయసులోనే మోడలింగ్‌లోకి ప్రవేశించింది. అనేక ప్రకటనలు, ప్రమోషనల్‌ ప్రచారాలలో కనిపించింది. 2022లో కాజోల్‌ నటించిన ‘సలాం వెంకీ’ చిత్రంలో.. ఓ చిన్న పాత్రతో తెరపై మెరిసింది. 2024లో వచ్చిన అమెజాన్‌ ప్రైమ్‌ వీడియో షో ‘బిగ్‌ గర్ల్స్‌ డోంట్‌ క్రై’తో మొదటి బ్రేక్‌ అందుకున్నది. ఈ ఏడాది బాలీవుడ్‌లో బిగ్గెస్ట్‌ యూత్‌ఫుల్‌ లవ్‌స్టోరీగా నిలిచిన ‘సైయ్యారా’లో అహాన్‌ పాండేతో కలిసి అద్భుతమైన అరంగేట్రం చేసింది. మోహిత్‌ సూరి దర్శకత్వంలో వచ్చిన ఈ సినిమా.. ఈ ఏడాది అత్యధిక వసూళ్లు సాధించిన వాటిలో ఒకటిగా నిలిచింది. ప్రస్తుతం అమర్‌ కౌశిక్‌ దర్శకత్వంలోరాబోతున్న హారర్‌ చిత్రం.. ‘శక్తి శాలిని’లో నటిస్తున్నది అనీత్‌ పడ్డా.