Allu Arjun | తాత జయంతి రోజున అల్లు అర్జున్ కీలక నిర్ణయం.. కొత్త క్రియేటివ్ ఆఫీస్కు ‘ఐకాన్జా’ పేరు!
Allu Arjun | ఐకాన్ స్టార్ అల్లు అర్జున్ తన కెరీర్లో మరో కొత్త అధ్యాయానికి శ్రీకారం చుట్టారు. తనకు ఎంతో ఇష్టమైన తాత, ప్రముఖ హాస్య నటుడు పద్మశ్రీ అల్లు రామలింగయ్య జయంతి సందర్భంగా అక్టోబర్ 1న తన కొత్త క్రియేటివ్ ఆఫీస్ను ప్రారంభించారు. ఈ ప్రత్యేకమైన కార్యాలయానికి ‘ఐకాన్జా’ అనే పేరును పెట్టారు.
Allu Arjun | ఐకాన్ స్టార్ అల్లు అర్జున్ తన కెరీర్లో మరో కొత్త అధ్యాయానికి శ్రీకారం చుట్టారు. తనకు ఎంతో ఇష్టమైన తాత, ప్రముఖ హాస్య నటుడు పద్మశ్రీ అల్లు రామలింగయ్య జయంతి సందర్భంగా అక్టోబర్ 1న తన కొత్త క్రియేటివ్ ఆఫీస్ను ప్రారంభించారు. ఈ ప్రత్యేకమైన కార్యాలయానికి ‘ఐకాన్జా’ అనే పేరును పెట్టారు.ఈ విషయాన్ని అల్లు అర్జున్ స్వయంగా సోషల్ మీడియా వేదికగా అభిమానులతో పంచుకున్నారు. ‘‘ఒక సరికొత్త ఆఫీస్.. ఒక సరికొత్త ఆరంభం. మా తాతగారు అల్లు రామలింగయ్య గారి జయంతి సందర్భంగా సరికొత్త అధ్యాయానికి శ్రీకారం చుడుతున్నాం’’ అంటూ తన ఆనందాన్ని వ్యక్తం చేశారు.
అల్లు అర్జున్ కొత్తగా ఏర్పాటు చేసిన ‘ఐకాన్జా’ కేవలం కార్యాలయంగా కాకుండా.. భవిష్యత్ సృజనాత్మక ఆలోచనలకు వేదికగా ఉండేలా రూపొందించినట్లు తెలుస్తోంది. సినిమా కథలపై చర్చలు, కొత్త కాన్సెప్టుల రూపకల్పన, భవిష్యత్ ప్రాజెక్టులకు సంబంధించిన ప్రణాళికలు వంటి కార్యక్రమాలు ఇక్కడి నుంచే జరగనున్నట్లు సమాచారం. అల్లు కుటుంబానికి సినిమా రంగంతో ఉన్న అనుబంధం దశాబ్దాలుగా కొనసాగుతోంది. ఈ నేపథ్యంలో కుటుంబ వారసత్వాన్ని ముందుకు తీసుకెళ్లడంతో పాటు, తన ఆలోచనలు, కొత్త ప్రయోగాలకు అనుగుణంగా ‘ఐకాన్జా’ను తీర్చిదిద్దినట్లు తెలుస్తోంది.
ప్రస్తుతం అల్లు అర్జున్ పాన్-ఇండియా స్థాయిలో వరుస ప్రాజెక్టులతో బిజీగా ఉన్నారు. ‘పుష్ప 2: ది రూల్’ తర్వాత ఆయన తదుపరి చిత్రంగా తెరకెక్కుతున్న ‘రాకా’పై భారీ అంచనాలు ఉన్నాయి. అట్లీ దర్శకత్వంలో రూపొందుతున్న ఈ సినిమా భారీ స్థాయి యాక్షన్, భావోద్వేగ అంశాలతో తెరకెక్కుతున్నట్లు ఇప్పటికే ప్రచారం జరుగుతోంది.ఇదే సమయంలో అల్లు అర్జున్ భవిష్యత్ ప్రాజెక్టులకు సంబంధించిన సన్నాహకాలు కూడా కొనసాగుతున్నాయి. ఈ నేపథ్యంలో కొత్తగా ఏర్పాటు చేసిన ‘ఐకాన్జా’లో ఆయన తదుపరి సినిమాలకు సంబంధించిన కథా చర్చలు, సృజనాత్మక ప్రణాళికలు మరింత వేగం పుంజుకునే అవకాశం ఉంది.
Read Today's Latest Cinema News in Telugu and Telugu News
RELATED ARTICLES
తాజా వార్తలు
Health tips | మంచినీళ్లు తక్కువ తాగితేనే కాదు.. మరీ ఎక్కువ తాగినా ఆరోగ్యానికి హానికరమే..!
Nepal PM Balen Shah | భారత్ చేరుకున్న నేపాల్ ప్రధాని.. సోమవారం ప్రధాని మోదీతో చర్చలు
Festivals | పండుగల సమయంలో స్వీట్లను ఎక్కువగా తింటే షుగర్ లెవల్స్ ఎప్పటికీ అలాగే ఉంటాయా..?
JEE Main | ఈ రాత్రి 12 గంటలకు ముగియనున్న గడువు.. ఇప్పటికే 13 లక్షలు దాటిన జేఈఈ దరఖాస్తులు..!
Health tips | మీలో ఈ లక్షణాలుంటే ఆలస్యం చేయకుండా థైరాయిడ్ పరీక్షలు చేయించుకోండి..!
ట్రెండింగ్ వార్తలు
Watch: అసదుద్దీన్ ఒవైసీని సుప్రీంకోర్టు జడ్జిగా పొరబడిన పోలీసులు.. గౌరవ వందనం సమర్పణ
Watch: ఆసుపత్రిలో నిద్రిస్తున్న మహిళను వేధించిన వ్యక్తి.. తర్వాత ఏం జరిగిందంటే?
Watch: వైద్య విద్యార్థినిని.. కాలేజీ క్యాంపస్ నుంచి కిడ్నాప్ చేసిన కుటుంబ సభ్యులు, వీడియో వైరల్
Vande Bharat Train | బంధువులను సాగనంపేందుకు వందే భారత్ రైలు ఎక్కిన 12 మంది.. తర్వాత ఏం జరిగిందంటే?
Watch: హాస్పిటల్ యజమానిని బెదిరించి రూ.10 లక్షలు వసూలు.. కాంగ్రెస్ నేత అరెస్ట్, పార్టీ నుంచి బహిష్కరణ

