క‌రోనా నుంచి కోలుకున్న అక్ష‌య్‌.. హాస్పిట‌ల్ నుంచి ఇంటికి

April 12, 2021 / 04:27 PM IST

బాలీవుడ్ స్టార్ హీరో అక్ష‌య్ కుమార్ ఫ్యాన్స్‌కు గుడ్ న్యూస్‌. కొవిడ్ సోక‌డంతో వారం రోజుల కింద‌ట హాస్పిట‌ల్‌లో చేరిన అక్ష‌య్‌.. సోమ‌వారం ఇంటికి వ‌చ్చాడు. ఈ విష‌యాన్ని అతని భార్య ట్వింకిల్ ఖ‌న్నా ఇన్‌స్టాగ్రామ్‌లో చెప్పింది. త‌న‌కు క‌రోనా నెగ‌టివ్ వ‌చ్చిందా లేదా అన్న విష‌యాన్ని అక్ష‌య్ ఇంకా చెప్ప‌క‌పోయినా.. ట్వింకిల్ పోస్ట్ చూస్తే అత‌డు పూర్తిగా కోలుకున్నట్లే అనిపిస్తోంది. త‌న‌ది, అక్ష‌య్‌కు చెందిన ఓ క్యారికేచ‌ర్‌ను ఈ సంద‌ర్భంగా ఆమె ఇన్‌స్టాలో పోస్ట్ చేసింది. అంతా బాగుంది. అత‌డు తిరిగి ఇంటికి రావ‌డం సంతోషంగా ఉంది అని ట్వింకిల్ కామెంట్ చేసింది.

ఈ నెల 4వ తేదీన తాను కరోనా బారిన ప‌డిన‌ట్లు అక్ష‌య్ ఇన్‌స్టాగ్రామ్‌లో వెల్ల‌డించాడు. ఆ మ‌రుస‌టి రోజే అత‌డు హాస్పిట‌ల్‌లో చేరడం అభిమానుల‌ను ఆందోళ‌న‌కు గురి చేసింది. అయితే డాక్ట‌ర్ల స‌ల‌హా మేర‌కు ముందు జాగ్ర‌త్త‌గా తాను ఆసుప‌త్రిలో చేరుతున్న‌ట్లు అత‌డు చెప్పాడు.