Ponniyin Selvan | ‘పొన్నియ‌న్ సెల్వ‌న్‌’లో ఐశ్వ‌ర్య‌రాయ్ విల‌న్‌గా న‌టిస్తుందా?

Aishwarya Rai | చారిత్రక నేప‌థ్యంలో తెర‌కెక్కిన ఈ చిత్రంలో అందాల తార ఐశ్వ‌ర్య‌రాయ్ న‌టిస్తున్న విష‌యం తెలిసిందే. ఈ చిత్రంలో ఐశ్వ‌ర్య‌రాయ్‌ ప్ర‌తినాయక పాత్ర‌లో న‌టిస్తుందట‌.

Aishwarya Rai  | ఇండియాస్ మోస్ట్ యాంటిసిపేటెడ్ మూవీస్‌లో ‘పొన్నియన్ సెల్వ‌న్’ ఒక‌టి. లెజెండ‌రీ డైరెక్ట‌ర్ మ‌ణిర‌త్నం రూపొందించిన ఈ చిత్రంపై ప్రేక్ష‌కుల‌లో భారీగా అంచ‌నాలుంటాయి. ప్రేమ‌క‌థా చిత్రాల‌కే మ‌ణిర‌త్నం టేకింగ్‌ గాని, డీటేయిలింగ్ గాని ఒక రేంజ్‌లో ఉంటాయి. అలాంటిది ఈ సారి ఏకంగా పీరియాడిక్ డ్రామా చిత్రాన్ని తెర‌కెక్కిస్తున్నాడంటే ఇంకా ఏ స్థాయిలో త‌న టేకింగ్ ఉండ‌నుందో అని ప్రేక్ష‌కులు తీవ్ర‌ ఆస‌క్తితో ఎదురు చూస్తున్నారు. ఇప్ప‌టికే చిత్రం నుండి విడుద‌లైన ప్రచార చిత్రాలు, టీజ‌ర్, ట్రైల‌ర్‌ ప్రేక్ష‌కుల‌లో భారీ అంచ‌నాల‌ను క్రియేట్ చేసాయి. ఇదిలా ఉంటే ఈ చిత్రానికి సంబంధించిన ఓ వార్త నెట్టింట వైర‌ల్‌గా మారింది.

చారిత్రక నేప‌థ్యంలో తెర‌కెక్కిన ఈ చిత్రంలో అందాల తార ఐశ్వ‌ర్య‌రాయ్ న‌టిస్తున్న విష‌యం తెలిసిందే. అయితే ఈ మూవీలో ఐశ్వ‌ర్య ద్విపాత్రాభిన‌యం చేస్తుంద‌ట‌. అందులో ఒక పాత్ర నెగిటీవ్ షేడ్స్‌తో ఉండ‌నుంద‌ట‌. ఆ పాత్రే సినిమాలో కీ రోల్ ప్లే చేస్తోందట‌. కోలీవుడ్‌కు ఐశ్వ‌ర్య‌రాయ్‌ను హీరోయిన్‌గా ప‌రిచ‌యం చేసిన మ‌ణిరత్నం, ఈ సారి విల‌న్‌గా ప‌రిచ‌యం చేస్తున్నాడు. ఐశ్వ‌ర్య‌రాయ్ గ‌తంలో ఖాకీ సినిమాలో నెగెటీవ్ షేడ్స్ ఉన్న పాత్ర‌లో న‌టించి మెప్పిచ్చింది.

పొన్నియ‌న్ సెల్వ‌న్ చిత్రాన్ని ప్ర‌ముఖ రైట‌ర్ క‌ల్కీ కృష్ణ‌మూర్తీ రాసిన న‌వ‌ల ఆధారంగా మ‌ణిర‌త్నం రెండు భాగాలుగా ఈ చిత్రాన్ని రూపొందించాడు. మొద‌టి భాగం సెప్టెంబ‌ర్ 30న పాన్ ఇండియా లెవల్లో విడుద‌ల కానుంది. ఈ చిత్రంలో చియాన్ విక్ర‌మ్‌, కార్తి, జయం రవి, ఐశ్వ‌ర్య‌రాయ్‌, త్రిష, బాబీ సింహా వంటి స్టార్లు ప్ర‌ధాన పాత్ర‌ల్లో న‌టిస్తున్నారు. ఏ.ఆర్ రెహమాన్ సంగీతం అందించిన ఈ చిత్రాన్ని లైకా ప్రొడ‌క్ష‌న్స్ సంస్థ‌తో కలిసి మ‌ద్రాస్ టాకీస్ బ్యాన‌ర్‌పై మ‌ణిర‌త్నం స్వీయ నిర్మాణంలో తెర‌కెక్కించాడు.

Read Also:

Chiru 154 | చిరు సినిమాలో వెంకీ మామా.. సంబురాల్లో మెగా, ద‌గ్గుబాటీ ఫ్యాన్స్‌

Varasudu Movie | భారీ ధ‌ర‌కు ‘వార‌సుడు’ నాన్‌-థియేట్రిక‌ల్ హ‌క్కులు..!

Thalapathy67 | విజ‌య్‌-లోకేష్ మూవీ కోసం సంజ‌య్‌ద‌త్ అన్ని కోట్లు పారితోషికం తీసుకుంటున్నాడా?