ప్రభాస్ శ్రీరాముడి పాత్రలో నటిస్తున్న ఇతిహాసిక నేపథ్య చిత్రం ‘ఆదిపురుష్’. కృతి సనన్ సీత పాత్రను పోషిస్తున్నది. ఈ చిత్రాన్ని టీ సిరీస్, రెట్రో ఫైల్స్ పతాకాలపై భూషణ్ కుమార్ నిర్మిస్తున్నారు. ఓం రౌత్ దర్శకత్వం వహిస్తున్నారు. ఈ సినిమా జూన్ 16న విడుదలకు సిద్ధమవుతున్నది. తాజాగా చిత్ర ప్రీ రిలీజ్ కార్యక్రమ వివరాలను చిత్రబృందం వెల్లడించారు. జూన్ 6వ తేదీ తిరుపతిలో ప్రీ రిలీజ్ వేడుకను ఘనంగా నిర్వహిస్తామని ఈ ప్రకటనలో తెలిపారు.
ఇటీవల విడుదల చేసిన ట్రైలర్ సినిమా మీద అంచనాలు పెంచింది. ట్రైలర్లో కనిపించిన భారీ సాంకేతిక విలువలు ఆకట్టుకున్నాయి. టీజర్తో వచ్చిన విమర్శలన్నీ ట్రైలర్తో తుడిచిపెట్టుకుపోయాయి. ట్రైలర్కు వచ్చిన అనూహ్య స్పందన నేపథ్యంలో చిత్రబృందం మరింత ఉత్సాహంగా ప్రచార కార్యక్రమాలు నిర్వహిస్తున్నది. ఈ సినిమాను 2డీ, త్రీడీతో పాటు ఐమ్యాక్స్ వెర్షన్లోనూ విడుదల చేయబోతున్నారు.