Adipurush | ‘అవతార్‌’ స్థాయిలో ‘ఆదిపురుష్‌’

Adipurush | ప్రభాస్‌ శ్రీరాముడి పాత్రలో కనిపించనున్న సినిమా ‘ఆదిపురుష్‌'. రామాయణ గాథ ఆధారంగా ఈ చిత్రాన్ని దర్శకుడు ఓం రౌత్‌ రూపొందిస్తున్నారు. కృతి సనన్‌ సీత పాత్రలో నటిస్తున్నది.

Adipurush | ప్రభాస్‌ శ్రీరాముడి పాత్రలో కనిపించనున్న సినిమా ‘ఆదిపురుష్‌’. రామాయణ గాథ ఆధారంగా ఈ చిత్రాన్ని దర్శకుడు ఓం రౌత్‌ రూపొందిస్తున్నారు. కృతి సనన్‌ సీత పాత్రలో నటిస్తున్నది. భూషణ్‌ కుమార్‌ నిర్మిస్తున్నారు. ఈ సంక్రాంతికి విడుదల కావాల్సిన ఈ సినిమా వాయిదా పడి జూన్‌ 16న ప్రేక్షకుల ముందుకొచ్చేందుకు సిద్ధమవుతున్నది. తమకు దొరికిన ఈ ఐదారు నెలల సమయాన్ని విజువల్‌ ఎఫెక్టులను మరింత అందంగా తీర్చిదిద్దడం కోసం ఉపయోగించామని చెబుతున్నారు దర్శకుడు ఓం రౌత్‌.

ఆయన మాట్లాడుతూ…‘డీసీ కామిక్స్‌, మార్వెల్‌ సినిమాలు, ‘అవతార్‌’ స్థాయిలో ‘ఆదిపురుష్‌’లో సాంకేతిక పరిజ్ఞానాన్ని ఉపయోగించాం. విజువల్‌ ఎఫెక్టులను మరింత నాణ్యంగా తీర్చిదిద్దుకునేందుకు మాకు అదనంగా ఐదారు నెలల సమయం దొరికింది. ఈ సమయాన్ని వీఎఫ్‌ఎక్స్‌ స్టూడియోలకు కేటాయించాం. ఓ భారీ హాలీవుడ్‌ సినిమా చూసిన అనుభూతి మా సినిమా అందిస్తుంది’ అన్నారు.