‘ఉగ్రం’ చిత్రం తన కెరీర్లో ఎంతో ప్రత్యేకమైనదని చెప్పింది కథానాయిక మిర్నా మీనన్. అల్లరి నరేష్ కథానాయకుడిగా విజయ్ కనకమేడల దర్శకత్వంలో రూపొందిన ఈ చిత్రం మే 5న విడుదలకానుంది. ఈ సందర్భంగా మిర్నా మీనన్ మాట్లాడుతూ ‘ఈ కథ చెప్పగానే వెంటనే అంగీకరించాను.
ఇందులో నేను కాలేజీ అమ్మాయిగా, ఒక బిడ్డకు తల్లిగా కనిపిస్తాను. భిన్న కోణాలున్న ఈ పాత్రని ఓ సవాలుగా స్వీకరించి న్యాయం చేసే ప్రయత్నం చేశా. కెరీర్ ఆరంభంలోనే ఇలాంటి పాత్ర దొరకడం అదృష్టంగా భావిస్తున్నా. షూటింగ్ ముందు నా పాత్ర విషయంలో చాలా కసరత్తులు చేశాను. ఈ సినిమా కోసం 55 రోజలు నైట్ షూట్స్ చేశాం. రెండు రోజులు బ్రేక్ లేకుండా పనిచేశాం’ అని చెప్పింది.