అలనాటి అందాల తార మీనా (Meena Sagar) సోషల్ మీడియాలో చురుకుగా ఉంటుందని ప్రత్యేకించి చెప్పనవసరం లేదు. ఎప్పుడూ ఏదో ఒక స్టిల్తో నెటిజన్లకు హాయ్ చెప్తుంటుంది. ఈ సీనియర్ నటి తాజాగా ఇండస్ట్రీకి చెందిన స్నేహితులను కలిసింది. ఇపుడీ ఫొటోలు నెట్టింట్లో ట్రెండింగ్ అవుతున్నాయి. ఆదివారం స్నేహితుల దినోత్సవాన్ని (Friendship day) పురస్కరించుకుని రంభ (Rambha), సంఘవి (Sanghavi), సంగీతలతో సరదా సమయాన్ని గడిపింది మీనా.
ఈ నటీమణులంతా ఒక్కచోట చేరి చిరునవ్వులు చిందిస్తూ కెమెరాకు ఫోజులిచ్చారు. మరోవైపు తమ కుటుంబసభ్యులతో కలిసి సెల్ఫీ దిగారు. ఈ స్టిల్స్ ఇపుడు నెట్టింట్లో హల్ చల్ చేస్తున్నాయి. మీనా చివరిసారిగా మోహన్ బాబు లీడ్ రోల్ చేసిన సన్నాఫ్ ఇండియాలో నటించింది. ప్రస్తుతం తమిళ సినిమా రౌడీ బేబిలో కీ రోల్ చేస్తోంది.