Visit:
మలప్పురం: అలనాటి మలయాళ నటుడు మముక్కోయ (76) ఇక లేరు. గత సోమవారం కేరళలోని మలప్పురం జిల్లా వందూర్‌లో ఫుట్‌బాల్‌ టోర్నమెంట్‌ ప్రారంభోత్సవానికి వెళ్లిన మముక్కోయ ఛాతిలో నొప్పి అంటూ ఒక్కసారిగా కుప్పకూలారు. దాంతో ఆయనను వెంటనే మలప్పురంలోని ఓ ప్రైవేట్‌ ఆస్పత్రికి తరలించారు.
పరిశీలించిన వైద్యులు కార్డియాక్‌ అరెస్టుతో ఆయన కుప్పకూలారని తేల్చారు. కార్డియాక్‌ అరెస్ట్‌ అనంతరం ఆయన మెదడు రక్తనాళాలు చిట్లిపోయి రక్తస్రావం జరిగిందన్నారు. చికిత్స పొందుతూ ఇవాళ ఉదయం మముక్కోయ తుదిశ్వాస విడిచారు. మముక్కోయ 1970లలో సినీరంగ ప్రవేశం చేసి ఎన్నో సినిమాల్లో నటించారు.
