Visit:
Abhinav Shukla | బాలీవుడ్‌ స్టార్‌ సల్మాన్‌ ఖాన్‌కు లారెన్స్‌ బిష్ణోయ్‌ గ్యాంగ్‌ నుంచి హత్య బెదిరింపులు (death threat) వస్తున్న విషయం తెలిసిందే. సల్మాన్‌ను చంపేస్తామంటూ వరుస బెదిరింపులకు పాల్పడుతున్నారు. ఇదిలా ఉండగా తాజాగా ఈ గ్యాంగ్‌ నుంచి మరో నటుడికి ఇలాంటి బెదిరింపులే రావడం ప్రస్తుతం కలకలం రేపుతోంది.
లారెన్స్‌ బిష్ణోయ్‌ గ్యాంగ్‌ నుంచి తనకు హత్య బెదిరింపులు వచ్చినట్లు బాలీవుడ్‌ నటుడు అభివన్‌ శుక్లా (Abhinav Shukla) తాజాగా తెలిపారు. బెదిరింపులకు పాల్పడిన బిష్ణోయ్‌ గ్యాంగ్‌ సభ్యుడి వివరాలను కూడా శుక్తా సోషల్‌ మీడియా ద్వారా వెల్లడించారు. ఈ మేరకు బిష్ణోయ్‌ గ్యాంగ్‌ నుంచి వచ్చి బెదిరింపు సందేశాన్ని ఎక్స్‌లో పోస్టు చేశారు. అందులో ‘నేను లారెన్స్‌ బిష్ణోయ్‌ గ్యాంగ్‌ సభ్యుడిని. నాకు మీ ఇంటి అడ్రెస్‌ తెలుసు. సల్మాన్‌ ఖాన్‌ ఇంటిపై కాల్పులు జరిపినట్లే మీ ఇంటిపై కూడా జరుపుతాం. ఇదే మీకు చివరి హెచ్చరిక. అసిమ్‌ గురించి గౌరవంగా మాట్లాడండి. లేదంటే బిష్ణోయ్‌ గ్యాంగ్‌ లిస్ట్‌లో మీ పేరు చేరుతుంది’ అని ఉంది. ఆ పోస్ట్‌ను పంజాబ్‌, చండీగఢ్‌ పోలీసులకు శుక్లా ట్యాగ్‌ చేశారు. అతడి నుంచి తనకు, తన కుటుంబ సభ్యులకు రక్షణ కల్పించాలంటూ పోలీసులకు విజ్ఞప్తి చేశారు.
కాగా, అభినవ్‌ శుక్లా భార్య రుబీనా (Rubina)కు, బిగ్‌బాస్‌ కంటెస్టెంట్‌ అసిమ్‌ రియాజ్‌ (Asim Riaz)కు మధ్య వాగ్వాదం జరిగిన విషయం తెలిసిందే. ఈ క్రమంలో అసిమ్‌పై అభినవ్‌ ఘాటు వ్యాఖ్యలు చేశారు. దీంతో అసిమ్‌ అభిమానులు ఈ హీరోకు బెదిరింపులు పంపుతున్నారు. తాజాగా వచ్చిన సందేశం కూడా అతడి అభిమానులే పంపినట్లు అభినవ్‌ ఆరోపించారు.
DEATH THREATS to my family ! @DGPPunjabPolice @PunjabPoliceInd @DgpChdPolice @ChdPol. Person seems to be from Chandigarh / Mohali . Please act firmly & promptly. To anyone who recognises the person plz report to @DGPPunjabPolice pic.twitter.com/XLkktoYUXa
— Abhinav Shukla (@ashukla09) April 20, 2025
Also Read..
Samantha | స‌మంత అంత మాట అనేసింది ఏంటి.. అవి చూస్తుంటే సిగ్గేస్తుందంటూ కామెంట్
Rahul Gandhi | భారత్‌లో ఎన్నికల సంఘం రాజీ పడింది : రాహుల్‌ గాంధీ
