విభిన్నంగా నాగబంధం

ప్రసిద్ధ దేవాలయాల్లో నిక్షిప్తమై ఉండే నేలమాళిగలు, వాటితో దాగుండే నిధి నిక్షేపాలు, వాటి వెనుక రహస్యాలు, దైవ నిర్ణయాలు.. తదితర అంశాల మేళవింపుగా రూపొందుతున్న పానిండియా మైథలాజికల్‌ యాక్షన్‌ అడ్వెంచర్‌ ‘నాగబంధం’.

ప్రసిద్ధ దేవాలయాల్లో నిక్షిప్తమై ఉండే నేలమాళిగలు, వాటితో దాగుండే నిధి నిక్షేపాలు, వాటి వెనుక రహస్యాలు, దైవ నిర్ణయాలు.. తదితర అంశాల మేళవింపుగా రూపొందుతున్న పానిండియా మైథలాజికల్‌ యాక్షన్‌ అడ్వెంచర్‌ ‘నాగబంధం’. విరాట్‌కర్ణ కథానాయకుడిగా, అభిషేక్‌ నామా దర్శకత్వంలో రూపొందుతున్న ఈ చిత్రానికి కిశోర్‌ అన్నపురెడ్డి, నిషితా నాగిరెడ్డి నిర్మాతలు. నభా నటేష్‌, ఐశ్వర్యమీనన్‌ కథానాయికలు. జులై 3న సినిమా విడుదల కానున్నది.

ఈ సందర్భంగా ఈ సినిమా ప్రచారాన్ని భిన్నంగా మేకర్స్‌ ప్లాన్‌ చేశారు. ట్రెజర్‌ హంట్‌ నేపథ్యంలో రూపొందుతున్న సినిమా కావడంతో దానికి తగ్గట్టుగా ప్రచార యాత్రను రూపొందించారు. ప్రతి నగరంలో జరిగే ఈ కార్యక్రమం ద్వారా ‘నాగబంధం’ ప్రపంచాన్ని, అందులోని రహస్యాలను, సాహస అంశాలనూ ప్రేక్షకులకు మరింత చేరువ చేసి, సినిమాపై ఆసక్తిని పెంచనున్నారు.

ఈ నెల 19న హైదరాబాద్‌లో ట్రైలర్‌ లాంచ్‌ నిర్వహించి, 20 నుంచి 23 వరకూ ముంబై, చెన్నై, బెంగళూరు, కొచ్చీ నగరాల్లో ప్రచార కార్యక్రమాలు నిర్వహించనున్నట్టు మేకర్స్‌ తెలిపారు. ఈ నెల 26న వారణాసిలో ఈ సినిమాలోని ‘వీర నాగ..’ పాటను విడుదల చేస్తున్నామని, అలాగే ఈ నెల 28న హైదరాబాద్‌లో గ్రాండ్‌గా ప్రీరిలీజ్‌ ఈవెంట్‌ని నిర్వహించి, జూలై 2న ప్రీమియర్‌షోతో ఈ ప్రమోషనల్‌ జర్నీని ఘనంగా సెలబ్రేట్‌ చేయనున్నామని మేకర్స్‌ ప్రకటనలో పేర్కొన్నారు.