‘అసలేం జరిగింది’ ట్రైలర్ లాంఛ్ చేసిన అల్లరి నరేష్

March 24, 2021 / 05:02 PM IST

తెలంగాణలో జరిగిన వాస్తవిక సంఘటనల ఆధారంగా రూపొందించిన చిత్రం అసలేం జరిగింది. ఈ చిత్రం ట్రైల‌ర్ ను టాలీవుడ్ యాక్ట‌ర్ అల్లరి నరేశ్‌ లాంఛ్ చేశాడు. సినిమా విజయవంతం కావాలని న‌రేశ్ ఆకాంక్షించాడు.

ఎక్సోడస్ మీడియా నిర్మించిన ఈ చిత్రం ట్రైలర్ ఆద్యంతం ఆకర్షణీయంగా ఉంది. కెమెరామన్ అయిన ఎన్వీఆర్ దర్శకుడిగా విజయవంతం కావాలి.

ఈ చిత్రం ద్వారా ఎక్సోడస్ మీడియాకి మంచి డబ్బులొచ్చి మరిన్ని ఆసక్తికరమైన చిత్రాలు నిర్మించాలని కోరుకున్నాడు ‌నరేశ్‌.

ఈ సందర్భంగా నిర్మాత మైనేని నీలిమా చౌదరి మాట్లాడుతూ..ఈ సినిమాను థియేటర్లలో చూస్తేనే బాగుంటుందనే ఉద్దేశ్యంతో..ఓటీటీలో కాకుండా థియేటర్లలో విడుదల చేయడానికి సన్నాహాలు చేస్తున్నామన్నారు.

దర్శకుడు ఎన్వీఆర్ మాట్లాడుతూ..కొత్త తరహా కాన్సెప్టుతో తెరకెక్కించిన ఈ మాస్ చిత్రం ప్రేక్షకుల్ని థ్రిల్ కు గురి చేస్తుందన్నారు.

కంటికి కనిపించని కరోనా వైరస్ తో ప్రపంచమంతా పోరాటం చేస్తోంది.

మరి వైర‌స్ లాంటి ఓ అదృశ్య‌ శ‌క్తితో చేసిన పోరాటమే తమ చిత్రమని నిర్మాత కింగ్ జాన్సన్ కొయ్యడ అన్నారు.

ఈ కార్యక్రమంలో ఎగ్జిక్యూటివ్ ప్రొడ్యూసర్లు టేక్మాల్ శ్రీకర్ రెడ్డి, కుమారస్వామి సంగ, హ్యారీ సిల్వెస్టర్, కొయ్యడ నితిన్, మాస్టర్ కింగ్ జో, వాసు తదితరులు పాల్గొన్నారు.