ఎఫ్‌డీపై రుణం కావాలా

అత్యవసరంగా నగదు కావాలనుకున్నప్పుడో లేక ఆర్థిక ఇబ్బందుల్లో ఉన్నప్పుడో.. మన ఫిక్స్‌డ్‌ డిపాజిట్ల (ఎఫ్‌డీ)పై రుణాలు తీసుకోవచ్చు. దీనివల్ల ఎఫ్‌డీలకు వచ్చిన ఆటంకం ఏమీ ఉండదు.

అత్యవసరంగా నగదు కావాలనుకున్నప్పుడో లేక ఆర్థిక ఇబ్బందుల్లో ఉన్నప్పుడో.. మన ఫిక్స్‌డ్‌ డిపాజిట్ల (ఎఫ్‌డీ)పై రుణాలు తీసుకోవచ్చు. దీనివల్ల ఎఫ్‌డీలకు వచ్చిన ఆటంకం ఏమీ ఉండదు. మీ రుణానికి మీ ఎఫ్‌డీనే పూచీకత్తు. పైగా సిబిల్‌ స్కోర్‌తో పనిలేదు. ఉదాహరణకు ఎస్బీఐలో ఎఫ్‌డీ ఉంటే దానిపై ఎలా రుణం తీసుకోవాలో చూద్దాం.

ఎవరు అర్హులు

• భారత పౌరులు
• హిందూ అవిభాజ్య కుటుంబం
• ఏక యాజమాన్య, భాగస్వామ్య సంస్థలు
• సంఘాలు-ట్రస్టులు

ప్రయోజనాలు

• ఎఫ్‌డీలో ఉన్న మొత్తంలో 95 శాతం వరకు రుణంగా తీసుకోవచ్చు
• మీ అవసరానికి తగ్గట్టు డిమాండ్‌ లోన్‌, ఓవర్‌డ్రాఫ్ట్‌ సౌకర్యం
• తక్కువ వడ్డీరేట్లు, జీరో ప్రాసెసింగ్‌ చార్జీలు, ముందస్తు చెల్లింపులపై లేని జరిమానాలు
• కనీస రుణం రూ.5 వేలు.. గరిష్ఠ రుణం రూ.5 కోట్లు (ఆన్‌లైన్‌ ఓవర్‌డ్రాఫ్ట్‌ కోసం)
• ఇంటర్నెట్‌ బ్యాంకింగ్‌/యోనో/బ్యాంక్‌ శాఖల ద్వారా రుణం పొందవచ్చు

రుణం కోసం ఇలా..

• తొలుత ఎస్బీఐ నెట్‌ బ్యాంకింగ్‌లోకి లాగిన్‌ అవ్వాలి
• మెను విభాగం నుంచి ఈ-ఫిక్స్‌డ్‌ డిపాజిట్‌ ఆప్షన్‌ను ఎంచుకోవాలి
• ఎఫ్‌డీపై ఓవర్‌డ్రాఫ్ట్‌ను ఎంపిక చేసుకోవాలి
• ఆపై మీ క్రియాశీల ఎఫ్‌డీని ఎంచుకొని ఓవర్‌డ్రాఫ్ట్‌కు అభ్యర్థించాలి
• ‘ప్రోసీడ్‌’ను ఎంచుకొని ఓవర్‌డ్రాఫ్ట్‌ మొత్తం, వడ్డీరేటు తదితర వివరాలను పరిశీలించాలి
• చివరగా మీ మొబైల్‌ నెంబర్‌కు వచ్చిన హై సెక్యూరిటీ పాస్‌వర్డ్‌ను ఎంటర్‌ చేయాలి

నోట్‌: మీకు ఖాతా ఉన్న ఎస్బీఐ శాఖకు నేరుగా వెళ్లి కూడా మీ ఎఫ్‌డీపై రుణం
తీసుకోవచ్చు.