EPFO | న్యూఢిల్లీ, జూన్ 14: ఇప్పటివరకూ యజమాన్యం నుంచి ఉమ్మడి ఆప్షన్ ప్రూఫ్ చూపించలేని.. అర్హులైన ఉద్యోగులు, పెన్షనర్లు అధిక పెన్షన్ కోసం దరఖాస్తు చేసుకునే ప్రక్రియను సరళతరం చేస్తూ ఎంప్లాయీస్ ప్రావిడెండ్ ఫండ్ ఆర్గనైజేషన్ (ఈపీఎఫ్ఓ) బుధవారం ఒక సర్క్యులర్ జారీచేసింది. ఇందులో పెన్షన్ దరఖాస్తు ఫారంతోపాటు సమర్పించాల్సిన పత్రాల జాబితాను విడుదల చేస్తూ, అటువంటి దరఖాస్తుల్ని ఈపీఎఫ్ఓ ఫీల్డ్ ఆఫీసర్లు అనుసరించాల్సిన ప్రక్రియను వివరించింది. దీని ప్రకారం అధిక పెన్షన్ దరఖాస్తుల్లో ఫీల్డ్ ఆఫీసర్లు ఈ అంశాల్ని చూస్తారు…
అధిక ఈపీఎస్ పెన్షన్కు దరఖాస్తు చేస్తూ ఉమ్మడి డిక్లరేషన్ ప్రూఫ్ను సమర్పించని ఉద్యోగులు ఫైనల్ క్లెయిం సెటిల్మెంట్ జరిగే సమయంలో వారి చివరగా పనిచేసిన సంస్థ (యాజమాన్యం) ద్వారా దానిని (ప్రూఫ్) ఇవ్వవచ్చని సర్క్యులర్లో వివరించారు. అధిక వేతనాలపై పెన్షన్ మంజూరీ జరిగేముందు ఏ సమయంలోనైనా పెన్షనర్లు/సభ్యులు..పేరా 26(6) కింద యాజమాన్యం అండర్టేకింగ్ మరియు ఉమ్మడి వినతిని సమర్పించవచ్చని పేర్కొంది. అధిక ఈపీఎస్ పెన్షన్కు దరఖాస్తు చేయడానికి ఈ జూన్ 26 చివరితేదీ అన్న సంగతి గుర్తుంచుకొండి.