Tesla HatchBach Affordable| 2023లో చౌక‌గా హ్యాచ్‌బ్యాక్ టెస్లా కారు.. ధ‌రెంతంటే?!

Tesla HatchBach Affordable| మ‌రో 16 నెల‌ల్లో అంటే 2023లో చౌక‌గా స్టీరింగ్ వీల్ కూడా లేని హ్యాచ్‌బ్యాక్‌ ఎలక్ట్రిక్ కారును వినియోగ‌దారుల‌కు అందుబాటులోకి ...

Tesla HatchBach Affordable| మ‌రో 16 నెల‌ల్లో అంటే 2023లో చౌక‌గా స్టీరింగ్ వీల్ కూడా లేని హ్యాచ్‌బ్యాక్‌ ఎలక్ట్రిక్ కారును వినియోగ‌దారుల‌కు అందుబాటులోకి తీసుకు రానున్న‌ది గ్లోబ‌ల్ ఎల‌క్ట్రిక్ కార్ల దిగ్గ‌జం టెస్లా.

అంతా అనుకున్న‌ట్లే జ‌రిగితే 2023లో టెస్లా ఎల‌క్ట్రిక్ కార్లు కేవ‌లం 25 వేల డాల‌ర్ల‌కే అందుబాటులోకి రానున్న‌ది.. మ‌న క‌రెన్సీలో దీని విలువ సుమారు. 18.25 ల‌క్ష‌లు ఉండొచ్చున‌ని అంచ‌నా. బ్యాట‌రీ కాస్ట్ 50 శాతం త‌గ్గించ‌డంతో కారు ధ‌ర త‌గ్గ‌నున్న‌ది.

టెస్లా ఆధ్వ‌ర్యంలో ఏర్పాటైన న్యూ బ్యాట‌రీ సెల్ అండ్ బ్యాట‌రీ మాన్యుఫాక్చ‌రింగ్ యూనిట్ అందుబాటులోకి రావ‌డం వ‌ల్లే కారు ధ‌ర త‌గ్గ‌నున్న‌ద‌ని తెలుస్తున్న‌ది.

చైనాలోని షాంఘైలో గ‌ల టెస్లా గిగా ఫ్యాక్ట‌రీ నుంచి అత్యంత చౌక కారు మార్కెట్‌లోకి రానున్న‌ద‌ని స‌మాచారం. ఇక్క‌డి నుంచి టెస్లా.. ప్రపంచ దేశాల‌కు ఎగుమ‌తి చేయ‌నున్న‌ది.

అంతే కాదు.. అమెరికాలో నేరుగా పౌరుల‌కు విద్యుత్ విక్ర‌యించేందుకు టెస్లా ప్లానింగ్ చేస్తోంది. ఈ మేర‌కు టెక్సాస్ ప‌బ్లిక్ యుటిలిటీస్ క‌మిష‌న్ ముందు ఓ ద‌ర‌ఖాస్తు దాఖ‌లు చేసింది. టెస్లా ఎన‌ర్జీ వెంచ‌ర్స్ కింద త‌మ సంస్థ‌ను రిటైల్ ఎల‌క్ట్రిక్ ప్రొవైడ‌ర్ (ఆర్ఈపీ)గా గుర్తించాల‌ని అభ్య‌ర్థించింది.