Samsung Galaxy M05 | మార్కెట్లోకి శాంసంగ్ ఎంట్రీ లెవెల్ స్మార్ట్ ఫోన్.. ఇవీ డిటైల్స్..!

Samsung Galaxy M05 | దక్షిణ కొరియా ఎలక్ట్రానిక్ దిగ్గజం శాంసంగ్ తన ఎంట్రీ లెవల్ స్మార్ట్ ఫోన్ శాంసంగ్ గెలాక్సీ ఎం05 (Samsung Galaxy M05) ను గురువారం భారత్ మార్కెట్లో ఆవిష్కరించింది.

Samsung Galaxy M05 | దక్షిణ కొరియా ఎలక్ట్రానిక్ దిగ్గజం శాంసంగ్ తన ఎంట్రీ లెవల్ స్మార్ట్ ఫోన్ శాంసంగ్ గెలాక్సీ ఎం05 (Samsung Galaxy M05) ను గురువారం భారత్ మార్కెట్లో ఆవిష్కరించింది. మీడియాటెక్ హెలియో జీ85 ఎస్వోసీ ప్రాసెసర్ తో పని చేస్తుంది. 4 జీబీ ర్యామ్ విత్ 64 జీబీ స్టోరేజీ కెపాసిటీతో వస్తోంది. 50-మెగా పిక్సెల్ డ్యుయల్ రేర్ కెమెరా సెటప్, 25వాట్ల చార్జింగ్ మద్దతుతో 5000 ఎంఏహెచ్ కెపాసిటీ గల బ్యాటరీ కలిగి ఉంటుంది. శాంసంగ్ గెలాక్సీ ఎం5 (Samsung Galaxy M05) ఫోన్ 4జీబీ ర్యామ్ విత్ 64 జీబీ స్టోరేజీ వేరియంట్ రూ.7,999లకు లభిస్తుంది. మింట్ గ్రీన్ కలర్ ఆప్షన్ లో అందుబాటులో ఉంటుంది. అమెజాన్, శాంసంగ్ ఇండియా వెబ్ సైట్, సెలెక్టెడ్ రిటైల్ స్టోర్లలో లభిస్తుంది.

శాంసంగ్ గెలాక్సీ ఎం5 (Samsung Galaxy M05) ఫోన్ 6.74 అంగుళాల హెచ్డీ+ (720 x 1600 పిక్సెల్స్) పీఎల్ఎస్ ఎల్సీడీ డిస్ ప్లే కలిగి ఉంటుంది. ఒక్టాకోర్ మీడియాటెక్ హెలియో జీ85 ఎస్వోసీ ప్రాసెసర్‌తో పని చేస్తుంది. మైక్రో ఎస్డీ కార్డు సాయంతో ఒక టిగా బైట్ వరకూ స్టోరేజీ కెపాసిటీ పెంచుకోవచ్చు. వర్చువల్ గా ర్యామ్ కెపాసిటీ 8 జీబీ వరకూ పెంచుకోవచ్చు. 50-మెగా పిక్సెల్ ప్రైమరీ కెమెరా, 2-మెగా పిక్సెల్ కెమెరా, సెల్ఫీలూ వీడియో కాల్స్ కోసం 8-మెగా పిక్సెల్ సెన్సర్ కెమెరా ఉంటుంది. రెండేండ్ల పాటు ఓఎస్ అప్ డేట్స్, నాలుగేండ్లు సెక్యూరిటీ అప్ డేట్స్ అందిస్తుంది. 4జీ, వై-ఫై 802.11 ఏ/బీ/జీ/ఎన్/ ఏసీ, బ్లూటూత్, జీపీఎస్, గ్లోనాస్, బైదూ, గెలీలియో, 3.5 ఎంఎం హెడ్ ఫోన్ జాక్, యూఎస్బీ టైప్-సీ పోర్ట్ కనెక్టివిటీ కలిగి ఉంటుంది. యాక్సెలరో మీటర్, లైట్ సెన్సర్, ప్రాగ్జిమిటీ సెన్సర్ కలిగి ఉండటంతోపాటు బయో మెట్రిక్ అథంటికేషన్ కోసం ఫేస్ అన్ లాక్ ఫీచర్ కు మద్దతుగా ఉంటుంది.