Jio Recharge Plan | డేటా లేకుండా 364 రోజుల వ్యాలిడిటీతో.. రిలయన్స్‌ జియో సరికొత్త ప్లాన్స్‌..!

Jio Recharge Plan | గత కొద్దిరోజుల కింద ట్రాయ్‌ అన్ని టెలికాం కంపెనీలను కాలింగ్‌, ఎస్‌ఎంఎస్‌తో చౌక రీచార్జ్‌ ప్లాన్‌ను అందించాలని ఆదేశించిన విషయం తెలిసిందే. ట్రాయ్‌ ఆదేశాల నేపథ్యంలో కేవలం కాలింగ్‌, ఎస్‌ఎంఎస్‌తో రెండు చౌకైన ప్లాన్స్‌ని పరిచయం చేసింది. అ రెండు వాయిస్‌ ఓన్లీ ప్లాన్స్‌ని జాబితా చేసింది.

Jio Recharge Plan | గత కొద్దిరోజుల కింద ట్రాయ్‌ అన్ని టెలికాం కంపెనీలను కాలింగ్‌, ఎస్‌ఎంఎస్‌తో చౌక రీచార్జ్‌ ప్లాన్‌ను అందించాలని ఆదేశించిన విషయం తెలిసిందే. ట్రాయ్‌ ఆదేశాల నేపథ్యంలో కేవలం కాలింగ్‌, ఎస్‌ఎంఎస్‌తో రెండు చౌకైన ప్లాన్స్‌ని పరిచయం చేసింది. అ రెండు వాయిస్‌ ఓన్లీ ప్లాన్స్‌ని జాబితా చేసింది. దాంతో వినియోగదారులు ఒకసారి రీచార్జ్‌ చేస్తే 365 రోజు దీర్ఘకాలిక వ్యాలిడిటీని పొందనున్నారు. ఈ ప్లాన్‌ డేటాను ఉపయోగించని యూజర్లకు ప్రయోజనకరంగా ఉంటుంది. జియో ఈ ప్లాన్‌ను కేవలం కాలింగ్‌, ఎస్‌ఎంఎస్‌ ఉపయోగిస్తూ.. డేటా అవసరం లేని యూజర్లను దృష్టిలో పెట్టుకొని తీసుకువచ్చింది. ఈ రెండు ప్లాన్ల విషయానికి వస్తే రూ.458కి 84 రోజుల వ్యాలిడిటీ.. రూ.1958కే 365 రోజులు చెల్లుబాటుతో వస్తుంది. జియో ఈ రెండు ప్లాన్‌లలో వినియోగదారులు చాలా ప్రయోజనాలుంటాయి.

84 రోజుల జియో ప్లాన్

జియో కొత్త రూ.458 ప్లాన్ 84 రోజుల చెల్లుబాటుతో వస్తుంది. ఈ ప్లాన్‌లో, వినియోగదారులకు అపరిమిత కాలింగ్, 1000 ఉచిత ఎస్‌ఎంఎస్‌లు లభిస్తాయి. దాంతో పాటు యూజర్లు జియో సినిమా, జియో టీవీ వంటి యాప్‌లకు కూడా ఉచిత యాక్సెస్ పొందుతారు. ఈ ప్లాన్ ప్రత్యేకంగా కాలింగ్, ఎస్‌ఎంఎస్‌ని ఉపయోగించే వినియోగదారుల కోసం మాత్రమే తీసుకువచ్చింది. ఈ ప్లాన్‌లో భారతదేశం అంతటా ఏ నెట్‌వర్క్‌లోనైనా అపరిమిత కాల్స్, ఉచిత రోమింగ్ సౌకర్యం ఉంటుంది.

365 రోజుల ప్లాన్

జియో కొత్త రూ.1958 ప్రీపెయిడ్ ప్లాన్ 365 రోజుల దీర్ఘకాలిక చెల్లుబాటుతో వస్తుంది. ఈ ప్లాన్‌లో వినియోగదారులు భారతదేశం అంతటా ఏ నెట్‌వర్క్‌లోనైనా అపరిమిత కాలింగ్ ప్రయోజనాన్ని పొందుతారు. దాంటో పాటు 3600 ఉచిత ఎస్‌ఎంఎస్‌లు, ఉచిత జాతీయ రోమింగ్ సౌకర్యం ఉంటుంది. అలాగే, ఈ ప్లాన్‌లో జియో సినిమా, జియో టీవీ వంటి యాప్‌లకు ఉచిత యాక్సెస్‌ లభిస్తుంది. తద్వారా వినియోగదారులు వినోదం సైతం పొందుతారు.

రెండుప్లాన్స్‌ను తొలగించిన జియో..

జియో పాత రీఛార్జ్ ప్లాన్‌లలో రెండింటిని జాబితా నుంచి తొలగించింది. ఈ ప్లాన్లు రూ.479.. రూ.1899.. రూ.1899 ప్లాన్ 336 రోజుల చెల్లుబాటుతో 24జీబీ డేటాను అందించగా.. రూ.479 ప్లాన్ 84 రోజుల చెల్లుబాటుతో 6జీబీ డేటాను అందించిన విషయం తెలిసిందే.