AI | ఏఐతో మ్యాథ్స్ ప్రొషెష‌న‌ల్స్ ఉద్యోగాలు క‌నుమ‌రుగు : పేపాల్ కో ఫౌండ‌ర్ అంచ‌నా

AI : ఏఐ ప్ర‌భావం భ‌వ‌బిష్య‌త్‌లో ఎలా ఉంటుంది..ఇది మ‌నుషుల‌తో క‌లిసి ఎలా ముందుకు సాగుతుంద‌నే దానిపై టెక్ ప్ర‌పంచంలో హాట్ డిబేట్ సాగుతోంది.

AI : ఏఐ ప్ర‌భావం భ‌వ‌బిష్య‌త్‌లో ఎలా ఉంటుంది..ఇది మ‌నుషుల‌తో క‌లిసి ఎలా ముందుకు సాగుతుంద‌నే దానిపై టెక్ ప్ర‌పంచంలో హాట్ డిబేట్ సాగుతోంది. మ‌నుషుల‌పై ప‌ని భారాన్ని త‌గ్గిస్తూ మాన‌వాళి జీవితాల‌ను లేటెస్ట్ టెక్నాల‌జీ స‌ర‌ళ‌త‌రం చేస్తుంద‌ని కొంద‌రు ప‌రిశోధ‌కులు చెబుతుండ‌గా, ర‌చ‌యిత‌లు, కోడ‌ర్స్ స‌హా మ‌నుషులు చేసే ఉద్యోగాలు ఏఐతో క‌నుమ‌రుగ‌వుతాయ‌ని ప‌లువురు హెచ్చ‌రిస్తున్నారు.

అయితే ఏఐ సామ‌ర్ధ్యాల‌పై పేపాల్ స‌హ‌వ్య‌వ‌స్ధాప‌కులు పీట‌ర్ థీల్ భిన్న‌మైన వ్యాఖ్య‌లు చేశారు. ఏఐ అభివృద్ధితో ర‌చ‌యిత‌ల కంటే గ‌ణిత ప్రొఫెష‌న్‌కు సంబంధించిన వారిపై ప్రభావం అధికంగా ఉంటుంద‌ని పీటర్ థీల్ అంచ‌నా వేశారు. రాబోయే మూడు నుంచి ఐదేండ్ల‌లో యూఎస్ మ్యాథ్ ఒలింపియాడ్ స‌మ‌స్య‌ల‌న్నింటినీ ఏఐ మోడ‌ల్స్ ప‌రిష్క‌రించే సామ‌ర్ధ్యం క‌లిగిఉంటాయ‌ని థీల్ స్ప‌ష్టం చేశారు.

ఈ పురోగ‌తి మ్యాథ్స్ రంగంలో ఉన్న‌వారిపై తీవ్రంగా ఉంటాయ‌ని అంచ‌నా వేశారు. ఈ రంగంలో సంప్ర‌దాయ జాబ్స్‌లో ఉన్నవారు, మ్యాథ్స్ కెరీర్‌ను ఎంచుకున్న‌వారి ఉద్యోగాలు దెబ్బ‌తినే అవ‌కాశం ఉంద‌ని అన్నారు. రైట‌ర్స్ కంటే మ్యాథ్స్ పీపుల్‌పైనే ఏఐ ప్ర‌భావం అధికంగా ఉంటుంద‌నేది త‌న అంచ‌నా అని పీట‌ర్ థీల్ ఓ ఇంట‌ర్వ్యూలో పేర్కొన్నారు. చెస్ ఛాంపియన్‌లను ఏఐ ఎలా ఓడించగలిగిందో అతను సోదాహ‌ర‌ణంగా వివ‌రించారు.

Read More :

Bacteria | రక్తం రుచి మరిగిన బ్యాక్టీరియా!