ITR Filing | ఐటీ రిట‌ర్న్స్‌లో రికార్డ్‌.. ఆదివార‌మే 8.77 ల‌క్ష‌ల ఫైలింగ్‌!

ITR Filing | ఈ నెల 26 వ‌ర‌కు 4.51 కోట్ల‌కు పైగా ఐటీ రిట‌ర్న్స్ దాఖ‌ల‌య్యాయి. ఆదివారంనాడే 8,77,721 మంది ఐటీఆర్‌లు స‌మ‌ర్పించారు.

ITR Filing | ప్ర‌స్తుత ఆర్థిక సంవ‌త్స‌రం (2020-21)లో ఇప్ప‌టివ‌ర‌కు 4.51 కోట్ల పై చిలుకు ఐటీ రిట‌ర్న్స్ దాఖ‌ల‌య్యాయి. కేవ‌లం ఆదివారం ఒక్క‌నాడే 8,77,721 ఐటీఆర్‌లు ఫైల్ అయ్యాయ‌ని కేంద్ర ఆర్థిక శాఖ ఓ ప్ర‌క‌ట‌న‌లో తెలిపింది. ఈ నెలాఖ‌రు వ‌ర‌కు ఐటీ రిట‌ర్న్స్ గడువు ఉంద‌ని పేర్కొంది. ఈ నెల 26 వ‌ర‌కు స‌మ‌ర్పించిన 4.51 కోట్ల ఐటీఆర్‌ల్లో ఐటీఆర్‌-1లు 2.44 కోట్లు, ఐటీఆర్‌-4 ఫామ్‌లు 1.12 కోట్లు ఉన్నాయ‌ని వివ‌రించింది.

చిన్న, మధ్యస్థాయి పన్ను చెల్లింపుదారులు ఐటీఆర్‌- 1 (సహజ్‌), ఐటీఆర్‌- 4 (సుగమ్‌) ఫామ్స్ స‌మ‌ర్పించాల్సి ఉంటుంది. వేత‌నంతోపాటు ఒక ఇల్లు, ఇత‌ర ఆదాయ మార్గాలు ఉన్న వారు స‌హ‌జ్ ప‌త్రాన్ని స‌మ‌ర్పించాలి. రూ.50 ల‌క్ష‌ల‌పై చిలుకు ఆదాయం గ‌ల వ్య‌క్తులు, హిందూ అవిభాజ్య కుటుంబాలు ఐటీఆర్‌-4 ఫామ్స్ స‌మ‌ర్పించాల్సి వుంటుంది. గ‌తేడాది మొత్తం 5.95 కోట్ల ఐటీఆర్‌లు దాఖ‌ల‌య్యాయి.