Visit:
Market Capitalisation | గతవారం దేశీయ స్టాక్ మార్కెట్లలో ట్రేడింగ్ ముగిసిన తర్వాత బీఎస్ఈలోని టాప్-10 కంపెనీల్లో నాలుగు కంపెనీల మార్కెట్ క్యాపిటలైజేషన్ రూ.81,151 కోట్లు వృద్ధి చెందింది. వాటిల్లో ప్రైవేట్ బ్యాంకులు ఐసీఐసీఐ బ్యాంకు, హెచ్‌డీఎఫ్‌సీ బ్యాంకులు భారీగా లాభ పడ్డాయి. గతవారం బీఎస్ఈ-30 ఇండెక్స్ సెన్సెక్స్ 151.61 పాయింట్ల నష్టంతో ముగిసింది.
హెచ్‌డీఎఫ్‌సీ బ్యాంకు, భారతీ ఎయిర్ టెల్, ఐసీఐసీఐ బ్యాంకు, భారతీయ స్టేట్ బ్యాంక్ (ఎస్బీఐ) మార్కెట్ క్యాపిటలైజేషన్ పుంజుకున్నది. రిలయన్స్ ఇండస్ట్రీస్, టాటా కన్సల్టెన్సీ సర్వీసెస్ (టీసీఎస్), ఇన్ఫోసిస్, హిందూస్థాన్ యూనీ లివర్ (హెచ్‌యూఎల్), ఐటీసీ, భారతీయ జీవిత బీమా సంస్థ (ఎల్ఐసీ) కలిసి రూ.76,622.05 కోట్ల మార్కెట్ క్యాపిటలైజేషన్ కోల్పోయాయి.
ఐసీఐసీఐ బ్యాంకు మార్కెట్ క్యాపిటలైజేషన్ రూ.28,495.14 కోట్ల లాభంతో రూ.8,90,191,38 కోట్లకు చేరుకున్నది. హెచ్‌డీఎఫ్‌సీ బ్యాంక్ ఎం-క్యాప్ రూ.23,579.11 కోట్లు వృద్ధి చెంది రూ.12,82,848.30 కోట్ల వద్ద ముగిసింది. ఎస్బీఐ ఎం-క్యాప్ రూ.17,804.61 కోట్లు పెంచుకుని రూ.7,31,773.56 కోట్ల వద్ద నిలిచింది. భారతీ ఎయిర్ టెల్ ఎం-క్యాప్ రూ.11,272.45 కోట్లు పుంజుకుని రూ.9,71,707.61 కోట్ల వద్ద ముగిసింది.
మరోవైపు, ఇన్ఫోసిస్ మార్కెట్ క్యాపిటలైజేషన్ రూ.23,314.31 కోట్ల నష్టంతో రూ.7,80,126.10 కోట్ల వద్ద స్థిర పడింది. రిలయన్స్ ఎం-క్యాప్ రూ.16,645.39 కోట్ల పతనంతో రూ.18,38,721.14 కోట్ల వద్ద నిలిచింది. హిందూస్థాన్ యూనీ లివర్ (హెచ్‌యూఎల్) ఎం-క్యాప్ రూ.15,248.85 కోట్ల నష్టంతో రూ.6,38,066.75 కోట్లకు చేరుకున్నది.
టీసీఎస్ ఎం-క్యాప్ రూ.10,402.01 కోట్ల పతనంతో రూ.14,91,321.40 కోట్లకు చేరుకున్నది. ఎల్ఐసీ మార్కెట్ క్యాపిటలైజేషన్ రూ.8,760.12 కోట్లు కోల్పోయి రూ.5,91,418.91 కోట్ల వద్ద ముగిసింది. ఐటీసీ ఎం-క్యాప్ రూ.2,251.37 కోట్ల నష్టంతో రూ.6,08,682.29 కోట్ల వద్ద ముగిసింది. గతవారం ట్రేడింగ్ ముగిసిన తర్వాత బీఎస్ఈ టాప్-10 సంస్థల్లో రిలయన్స్ మొదటి స్థానంలో కొనసాగుతున్నది. తర్వాతీ స్థానాల్లో టీసీఎస్, హెచ్ డీఎఫ్ సీ బ్యాంక్, భారతీ ఎయిర్ టెల్, ఐసీఐసీఐ బ్యాంకు, ఇన్ఫోసిస్, స్టేట్ బ్యాంక్ ఆఫ్ ఇండియా, హిందూస్థాన్ యూనీ లివర్, ఐటీసీ, ఎల్ఐసీ నిలిచాయి.
