ఆర్థిక ప్లానింగ్‌లో ముందంజ

దీర్ఘకాలికంగా ఆర్థిక ప్లానింగ్‌ వేసుకునేవారి జాబితాలో తెలంగాణ ముందువరుసలో నిలిచింది. ఇన్సూరెన్స్‌ అవేర్‌నెస్‌ కమిటీ(ఐఏసీ-లైఫ్‌), ఐఎంఆర్‌బీ కాంతార సంయుక్తంగా నిర్వహించిన నివేదికలో పలు విషయాలను వెల్లడించింది.

• రాష్ట్రంలో 94 శాతం మంది మొగ్గు
• ఇన్సూరెన్స్‌ అవేర్‌నెస్‌ సర్వేలో వెల్లడి

హైదరాబాద్‌, ఆగస్టు 21: దీర్ఘకాలికంగా ఆర్థిక ప్లానింగ్‌ వేసుకునేవారి జాబితాలో తెలంగాణ ముందువరుసలో నిలిచింది. ఇన్సూరెన్స్‌ అవేర్‌నెస్‌ కమిటీ(ఐఏసీ-లైఫ్‌), ఐఎంఆర్‌బీ కాంతార సంయుక్తంగా నిర్వహించిన నివేదికలో పలు విషయాలను వెల్లడించింది. సర్వేలో పాల్గొన్నవారిలో 94 శాతం మంది ఆర్థిక ప్రణాళికలు వేసుకోనుండగా, 87 శాతం మంది లైఫ్‌ ఇన్సూరెన్స్‌ సేవింగ్‌ ప్లాన్లను తీసుకోవడానికి మొగ్గుచూపారు. హైదరాబాద్‌ ప్రాంతంలో ఆర్థిక పొదుపు, బీమా పాలసీలపై అధిక అనుభవం ఉన్నది.

• 100 శాతం మందికి లైఫ్‌ ఇన్సూరెన్స్‌ పాలసీలతో పొదుపు, భద్రత కూడా
• 90 శాతం మంది ప్రజలు జీవిత బీమా పాలసీల గురించి టీవీల ద్వారానే తెలుసుకున్నారంట. వీరిలో 56 శాతం మంది బీమా ఏజెంట్ల నుంచి సమాచారాన్ని సేకరించారు.
• వచ్చే మూడు నెలల్లో జీవిత బీమా పాలసీలు కొనుగోలు చేయడానికి 38 శాతం మంది ఉత్సుకతను చూపారు.
• లైఫ్‌ ఇన్సూరెన్స్‌ ప్లాన్లతో పొదుపుపై 78 శాతం మందికి అవగాహన ఉన్నది.
• 54 శాతం కుటుంబాలు చిన్న పిల్లలకు కూడా పాలసీలు తీసుకున్నారు.

రక్షణ, ప్రణాళిక, ముందస్తు పదవీ విరమణకు విలువనిచ్చే ఆర్థికంగా స్పృహకలిగిన తెలంగాణ ప్రతిబింబిస్తున్నది. జీవిత బీమాను కొనుగోలు చేయడానికి మాత్రమే కాకుండా, దీర్ఘకాలిక సంపద సృష్టికి ఉపయోగించడానికి సంసిద్ధతను వ్యక్తం చేస్తున్నారు.

– వెంకటాచలం, ఇన్సూరెన్స్‌ అవేర్‌నెస్‌ కమిటీ(ఐఏసీ-లైఫ్‌) కో-చైర్‌పర్సన్‌