Foreign Reserves | రికార్డు స్థాయికి భారతదేశ విదేశీ మారకద్రవ్య నిల్వలు..!

Foreign Reserves | భారతదేశ విదేశీ మారకద్రవ్య నిలువలు ఈ వారం రికార్డు స్థాయిలో 622.469 బిలియన్లకు పెరిగాయి. ఫిబ్రవరి 2తో ముగిసిన వారంతో పోలిస్తే ఇది 5.736 బిలియన్ డాలర్లు పెరిగింది.

Foreign Reserves | భారతదేశ విదేశీ మారకద్రవ్య నిలువలు ఈ వారం రికార్డు స్థాయిలో 622.469 బిలియన్లకు పెరిగాయి. ఫిబ్రవరి 2తో ముగిసిన వారంతో పోలిస్తే ఇది 5.736 బిలియన్ డాలర్లు పెరిగింది. రిజర్వ్ బ్యాంక్ వీక్లీ డేటా ప్రకారం.. భారతదేశ విదేశీ మారక నిల్వలలో అతిపెద్ద వాటా విదేశీ కరెన్సీ ఆస్తులు కాగా.. ఇది 5.186 బిలియన్ డాలర్లు పెరిగి 551.331 బిలియన్ డాలర్లకు చేరుకుంది. అలాగే పసిడి నిల్వలు సైతం 680 మిలియన్ డాలర్లు పెరిగి 48బిలియన్ డాలర్లకు చేరాయి. 2021 అక్టోబర్లో భారత విదేశీ మారక నిల్వలు గరిష్ఠ స్థాయి 645 బిలియన్ డాలర్లకు చేరుకున్నాయి.

అయితే దిగుమతుల వ్యయం పెరగడంతో 2022లో విదేశీ మారక నిల్వలు గణనీయంగా తగ్గాయి. ఇప్పుడు మరోసారి గరిష్ఠ స్థాయికి చేరుకున్నది. కరెన్సీ మార్కెట్‌లో ఆర్‌బీఐ జోక్యం తర్వాత, విదేశీ కరెన్సీ ఆస్తుల్లో మార్పులు చోటు చేసుకుంటున్నాయి. దేశంలో తగినన్ని ఫారెక్స్‌ రిజర్వులు ఉన్నాయని కేంద్ర ప్రభుత్వం చెబుతున్నది. ఏ దేశంలోనైనా విదేశీ మారక నిల్వలు ఎంత భారీగా ఉంటే.. ఆ దేశం ఆర్థికంగా అంత బలంగా ఉండనున్నది. దేశ ఆర్థిక స్థిరత్వంలో ఫారెక్స్‌ రిజర్వ్‌ కీలక పాత్ర. విదేశీ మారక నిల్వలు తగ్గుతున్నాయంటే.. ఆర్థిక వ్యవస్థపై పడుతున్న ఒత్తిడిగా దాన్ని గుర్తించాలని ఆర్థిక నిపుణులు పేర్కొంటున్నారు.