HDFC Bank | జూన్ త్రైమాసికంలో హెచ్‌డీఎఫ్‌సీ బ్యాంకు నికర లాభం 35 శాతం వృద్ధి..!

HDFC Bank | ప్రముఖ ప్రైవేట్ బ్యాంక్ హెచ్‌డీఎఫ్‌సీ బ్యాంక్ (HDFC Bank) ప్రస్తుత ఆర్థిక సంవత్సరం (2024-25) తొలి త్రైమాసికం నికర లాభాల్లో 35.33 శాతం వృద్ధి సాధించింది.

July 20, 2024 / 08:01 PM IST

HDFC Bank | జూన్ త్రైమాసికంలో హెచ్‌డీఎఫ్‌సీ బ్యాంకు నికర లాభం 35 శాతం వృద్ధి..!

HDFC Bank | ప్రముఖ ప్రైవేట్ బ్యాంక్ హెచ్‌డీఎఫ్‌సీ బ్యాంక్ (HDFC Bank) ప్రస్తుత ఆర్థిక సంవత్సరం (2024-25) తొలి త్రైమాసికం నికర లాభాల్లో 35.33 శాతం వృద్ధి సాధించింది. 2023-24 ఆర్థిక సంవత్సరం తొలి త్రైమాసికంలో రూ.11,951.77 కోట్ల నికర లాభం గడించిన హెచ్‌డీఎఫ్‌సీ బ్యాంక్ ఈ ఏడాది రూ.16,174.75 కోట్లకు పెంచుకున్నది. అయితే 2023-24 ఆర్థిక సంవత్సరం చివరి త్రైమాసికంతో పోలిస్తే 2024-25 జూన్ త్రైమాసికం నికర లాభం 2.04 శాతం తక్కువ. 2023-24 మార్చి త్రైమాసికంలో రూ.16,511.85 కోట్ల నికర లాభం సంపాదించింది హెచ్‌డీఎఫ్‌సీ బ్యాంక్.

బ్యాంకు మొత్తం ఆదాయం 44.77 శాతం పెరిగింది. 2023-24 ఆర్థిక సంవత్సరం జూన్ త్రైమాసికంలో రూ.57,816.67 కోట్ల ఆదాయం సముపార్జించిన హెచ్డీఎఫ్సీ బ్యాంక్ ఆదాయం ఈ ఏడాది రూ.83,701.25 కోట్లకు దూసుకెళ్లింది. గతేడాది మార్చి త్రైమాసికంతో పోలిస్తే 6.62 శాతం ఆదాయం పెరిగింది. 2024-25 ఆర్థిక సంవత్సరం జూన్ త్రైమాసికంలో వడ్డీ ఆదాయం 50.31 శాతం పెంచుకుని రూ.73,033.14 కోట్లకు చేరుకున్నది. మార్చి త్రైమాసికం వడ్డీ ఆదాయంతో పోలిస్తే 2.18 శాతం ఎక్కువ. బ్యాంకు స్థూల మొండి బకాయిలు జూన్ త్రైమాసికంలో 1.33 శాతానికి పెరిగాయి. గత మార్చి త్రైమాసికంలో 1.17 శాతం మాత్రమే. నికర మొండి బకాయిలు 0.3 నుంచి 0.39 శాతానికి చేరాయి.