IT deduction Claims |వేతన జీవులు ప్రతిఏటా ఐటీ రిటర్న్స్ ఫైల్ చేయడం తప్పనిసరి. పన్ను చెల్లింపులు తగ్గించుకోవడానికి పలు పన్ను మినహాయింపు ఆప్షన్లు ఉన్నాయి. పన్ను భారం తగ్గించుకునే ఆప్షన్లలో పాపులారిటీ లేనివీ ఉన్నాయి. మీ కుటుంబ సభ్యులు.. మరీ ప్రత్యేకించి వారికి మీ చేయూత కూడా టాక్స్ డిడక్షన్ కింద వాడుకోవచ్చు. మరీ ముఖ్యంగా మీ తల్లిదండ్రులను విశ్వాసంలోకి తీసుకోవచ్చు. తల్లిదండ్రులకు గిఫ్టింగ్ ప్రొవిజన్ కింద చేసే పెట్టుబడులు పన్నేతర ఆదాయం కిందకు వస్తాయి. వాటిలో సీనియర్ సిటిజన్స్ సేవింగ్స్ స్కీం, ఫోస్టాఫీస్ సేవింగ్స్ స్కీంలు, ఫిక్స్డ్ డిపాజిట్స్ వంటి ఇతర పన్ను ఆదా పథకాలు ఉన్నాయి.
సీనియర్ సిటిజన్స్గా తల్లిదండ్రుల పేరిట ప్రాథమికంగా రూ.3 లక్షలు.. 80 ఏండ్లు దాటిన వారికి రూ.5 లక్షల వరకు పన్ను మినహాయింపు పొందొచ్చు. 60 ఏండ్లు, ఆ పై వయస్సు గల వారిపై బ్యాంకులు, పోస్టాఫీసులు, కోఆపరేటివ్ సొసైటీల్లో రూ.50 వేల వరకు ఫిక్స్డ్ డిపాజిట్ల వడ్డీ ఆదాయంపై పన్ను రాయితీ లభిస్తుంది. పన్ను పరిమితికి మించి ఎక్కువ వడ్డీ ఆదాయం లభిస్తే.. గరిష్ట వడ్డీ ఆదాయం మినహాయింపు కిందకే వస్తుంది. పిల్లల నుంచి తల్లిదండ్రులు గిఫ్ట్ రూపేణా పొందే మనీపై వచ్చే ఆదాయం.. ఆదాయ మార్గంగా పరిగణించరు.
వేతన జీవుల్లో చాలా మంది తమ పేరెంట్స్ ఇండ్లలోనే ఉన్నారనుకోండి.. కానీ వారితో కలిసి ఉండక పోతే ఇంటి అద్దె చెల్లించొచ్చు. దీనిపై హౌస్ రెంట్ అలవెన్స్ (హెచ్ఆర్ఏ) కింద ఆదాయం పన్ను చట్టంలోని 10 (13ఏ) సెక్షన్ కింద పన్ను మినహాయింపు క్లయిం చేయొచ్చు. అధిక ఆదాయం గల వారైనా.. తక్కువ ఆదాయ వర్గాల వారైనా బెనిఫిట్ పొందొచ్చు. అయితే, మీ తల్లిదండ్రుల యాన్యువల్ ఇన్ఫర్మేషన్ స్టేట్మెంట్ (ఏఐఎస్)లో రెంట్ సొమ్ము చెల్లించినట్లు రికార్డై ఉండాలి. దీన్ని ఐటీ అధికారులు తనిఖీ చేసే అవకాశాలు ఉన్నాయి.
కరోనా మహమ్మారి తర్వాత డిపెండెంట్ తల్లిదండ్రులున్న వారికి ఈ ఆప్షన్ ముఖ్యమైంది. ఆదాయం పన్ను చట్టంలోని 80డీ సెక్షన్ కింద 60 ఏండ్ల లోపు తల్లిదండ్రులకు రూ.25 వేల వరకు హెల్త్ ఇన్సూరెన్స్ ప్రీమియం క్లయిమ్ చేసుకోవచ్చు. 50 ఏండ్లు దాటిన వారైతే రూ.50 వేల మినహాయింపు పొందొచ్చు.