పాట్నాలో కంట్రోల్‌ఎస్‌ డాటా సెంటర్‌

ప్రముఖ టెక్నాలజీ సంస్థ కంట్రోల్‌ ఎస్‌..పాట్నాలో రూ.400 కోట్ల పెట్టుబడితో డాటా సెంటర్‌ను ప్రారంభించింది.

న్యూఢిల్లీ, అక్టోబర్‌ 13: ఈ సందర్భంగా కంపెనీ ఫౌండర్‌, సీఈవో శ్రీధర్‌ పిన్నపురెడ్డి మాట్లాడుతూ..దేశవ్యాప్తంగా డాటా సెంటర్లకు ఉన్న డిమాండ్‌ను దృష్టిలో పెట్టుకొని 2032 వరకు బీహార్‌లోని బోధ్‌ గయాలో రూ.10 వేల కోట్ల పెట్టుబడితో 150 మెగావాట్ల హైపర్‌స్కేల్‌ ఏఐ ఫ్యాక్టరీని నెలకొల్పబోతున్నట్టు ప్రకటించారు.

ఇందుకు సంబంధించి అక్కడి రా్రష్ట్ర ప్రభుత్వంతో అంగీకార ఒప్పందం కుదుర్చుకున్నట్టు చెప్పారు. 2007లో టెక్నాలజీ సేవలు ప్రారంభించిన సంస్థ..ప్రస్తుతం దేశవ్యాప్తంగా తొమ్మిది చోట్ల 19 డాటా సెంటర్లను నిర్వహిస్తుండగా, 2030 నాటికి మరో 4.4 గిగావాట్ల డాటా సెంటర్లను నెలకొల్పబోతున్నట్టు ప్రకటించారు.