కెనరా బ్యాంక్‌ లాభం 3,757 కోట్లు

కెనరా బ్యాంక్‌ అంచనాలకుమించి రాణించింది. మార్చితో ముగిసిన మూడు నెలల కాలానికిగాను బ్యాంక్‌ రూ.3,757 కోట్ల నికర లాభాన్ని గడించింది. క్రితం ఏడాది ఇదే త్రైమాసికంలో ఆర్జించిన రూ.3,175 కోట్లతో పోలిస్తే 18 శాతం అధికం. సమీక్షకాలంలో బ్యాంక్‌ ఆదాయం రూ.28,807 కోట్లకు ఎగబాకింది.

• క్యూ4లో 18 శాతం పెరిగిన ప్రాఫిట్‌

న్యూఢిల్లీ, మే 8: కెనరా బ్యాంక్‌ అంచనాలకుమించి రాణించింది. మార్చితో ముగిసిన మూడు నెలల కాలానికిగాను బ్యాంక్‌ రూ.3,757 కోట్ల నికర లాభాన్ని గడించింది. క్రితం ఏడాది ఇదే త్రైమాసికంలో ఆర్జించిన రూ.3,175 కోట్లతో పోలిస్తే 18 శాతం అధికం. సమీక్షకాలంలో బ్యాంక్‌ ఆదాయం రూ.28,807 కోట్లకు ఎగబాకింది.

• రూ.10 ముఖ విలువ కలిగిన ప్రతిషేరుకు రూ.16.10 డివిడెండ్‌ను ప్రకటించింది.
• బ్యాంక్‌ స్థూల నిరర్థక ఆస్తుల విలువ 5.35 శాతం నుంచి 4.23 శాతానికి తగ్గగా, నికర ఎన్‌పీఏ 1.73 శాతం నుంచి 1.27 శాతానికి తగ్గాయి.
• మొండి బకాయిలను పూడ్చుకోవడానికి రూ.2,280 కోట్ల నిధులను వెచ్చించింది.
• 2023-24 ఆర్థిక సంవత్సరానికిగాను బ్యాంక్‌ రూ.14,554 కోట్ల నికర లాభాన్ని గడించింది.

ప్రస్తుత ఆర్థిక సంవత్సరం ముగిసేనాటికి స్థూల నిరర్థక ఆస్తుల విలువను 3.25 శాతానికి, నికర ఎన్‌పీఏను ఒక్క శాతానికి తగ్గిస్తాం. ఈ ఏడాది అడ్వాన్స్‌లు 11-12 శాతం, డిపాజిట్లలో 9 శాతం వృద్ధి నమోదు చేసుకోనున్నది. ప్రస్తుతం నిధులు సేకరించే ఆలోచనేది బ్యాంక్‌కు లేదని, బ్యాంక్‌ వద్ద పుష్కలంగా నిధులు ఉన్నాయి. అధిక వడ్డీరేట్ల కారణంగా ఈ ఏడాది నికర వడ్డీ మార్జిన్‌ 2.95-3 శాతంగా ఉండనున్నది. ఇప్పటి వరకు బ్యాంక్‌ రూ.1.10 లక్షల కోట్ల రుణాలు మంజూరు చేసింది.

– కే సత్యనారాయణ రాజు, కెనరా బ్యాంక్‌ ఎండీ, సీఈవో