Byjus | ఉద్యోగులకు జీతాలు చెల్లించేందుకు.. ఇంటిని తాకట్టు పెట్టిన బైజూస్‌ ఫౌండర్‌!

Byjus | ఉద్యోగులకు జీతాలు చెల్లించేందుకు ప్రముఖ ఎడ్‌ టెక్‌ స్టార్టప్‌ బైజూస్‌ (Byjus) ఫౌండర్‌ రవీంద్రన్ (Raveendran)‌.. తన ఆస్తులను తాకట్టు (pledges homes) పెట్టి రుణం తీసుకున్నట్లు వార్తలు వస్తున్నాయి.

Byjus | ప్రముఖ ఎడ్‌ టెక్‌ స్టార్టప్‌ బైజూస్‌ (Byjus) గత కొన్ని రోజులుగా తీవ్ర ఆర్థిక కష్టాల్లో కొట్టుమిట్టాడుతున్న విషయం తెలిసిందే. ప్రస్తుతం సంస్థలో ఆర్థిక కష్టాలు మరింత తీవ్రమైనట్లు తెలుస్తోంది. ఎంతలా అంటే.. చివరికి అందులో పనిచేస్తున్న సిబ్బందికి జీతాలు (staff salaries) కూడా చెల్లించలేని పరిస్థితుల్లో బైజూస్‌ ఉన్నట్లు సమాచారం. దీంతో జీతాలు చెల్లించేందుకు బైజూస్‌ వ్యవస్థాపకుడు (Byjus founder) రవీంద్రన్ (Raveendran)‌.. తన ఆస్తులను తాకట్టు (pledges homes) పెట్టి మరీ రుణం తీసుకున్నట్లు వార్తలు వస్తున్నాయి.

బెంగళూరు (Bengaluru)లో కుటుంబసభ్యులకు చెందిన రెండు ఇళ్లతోపాటు ప్రస్తుతం నిర్మాణ దశలో ఉన్న ఓ విల్లాను రవీంద్రన్‌ తాకట్టు పెట్టినట్లు జాతీయ మీడియాలో వరుస కథనాలు వస్తున్నాయి. ఆ ఇళ్లను తాకట్టు పెట్టి 12 మిలియన్‌ డాలర్లను సమీకరించినట్లు సదరు కథనాలు వెల్లడిస్తున్నాయి. ఆ డబ్బుతో బైజూస్‌ మాతృసంస్థ ‘థింక్‌ అండ్‌ లెర్న్‌ ప్రైవేట్‌ లిమిటెడ్‌’ (Think & Learn Private Limited) ఉద్యోగులకు వేతనాలు చెల్లించినట్లు పేర్కొన్నాయి. అయితే కంపెనీ వర్గాలు మాత్రం ఈ వార్తలను ధ్రువీకరించ లేదు.

Also Read..

Actor Vishal | మీలా మేం సురక్షితంగా లేం.. చెన్నై మేయర్‌పై విశాల్‌ అసహనం

ISRO | ఇస్రో మరో ఘనత.. చంద్రుడి కక్ష్య నుంచి భూ కక్ష్యలోకి చంద్రయాన్-3 మాడ్యూల్‌

Chennai Airport | కాస్త శాంతించిన వరుణుడు.. చెన్నైలో విమాన సర్వీసులు పునరుద్ధరణ