e-Paper

Advertisement

E-Paper

Apps

Book Your Copy

Visit Telangana Today

Sunday, September 19, 2021
Home News జీఎమ్మార్‌ హైద‌రాబాద్ ఎరోసిటీలో రూ.250 కోట్ల భారీ బ‌డ్జెట్‌తో కో-లివింగ్ ప్రాజెక్టు

జీఎమ్మార్‌ హైద‌రాబాద్ ఎరోసిటీలో రూ.250 కోట్ల భారీ బ‌డ్జెట్‌తో కో-లివింగ్ ప్రాజెక్టు

ప్రాజెక్టు న‌మూనా

హైద‌రాబాద్ : ఇంకోర్ గ్రూప్‌కు చెందిన‌ ఇంక్యుబేషన్ వెంచర్ అయిన‌ బోస్టన్ లివింగ్.. హైద‌రాబాద్‌లోని జీఎమ్మార్ హైద‌రాబాద్ ఎరోసిటీలో రూ.250 కోట్ల భారీ బ‌డ్జెట్‌తో ఓ కో-లివింగ్ ప్రాజెక్టును ( Co-living project ) అభివృద్ధి చేయ‌నుంది. ఈ మేర‌కు బోస్ట‌న్ లివింగ్, జీఎమ్మార్ హైద‌రాబాద్ ఎరోసిటీ సంస్థ‌లు ఒప్పందం కుదుర్చుకున్నాయి. ఒప్పంద‌పై రెండు కంపెనీలు సంత‌కాలు చేశాయి. బోస్ట‌న్ లివింగ్ త‌ర‌ఫున ఆ కంపెనీ డైరెక్ట‌ర్, సీవోవో ఆదిత్య సూర్నేని, జీఎమ్మార్ గ్రూప్ త‌ర‌ఫున ఎయిర్‌పోర్టు లాండ్ డెవ‌ల‌ప్‌మెంట్ సీఈవో అమ‌న్ క‌పూర్ ఒప్పందంపై సంత‌కాలు చేశారు.

ఈ ప్రాజెక్టులో భాగంగా కో-లివింగ్‌, స‌ర్వీస్డ్ రెసిడెన్స్‌ల‌ను నిర్మించ‌నున్నారు. ప్రాజెక్టు కోసం మొత్తం రూ.250 కోట్లను ఖ‌ర్చు చేయ‌నున్నారు. ద‌శ‌ల వారీగా ఈ కో-లివింగ్ ప్రాజెక్ట్ కెపాసిటీని 1,500 ప‌డ‌క‌ల‌కు పెంచ‌నున్నారు. ఈ కొత్త ప్రాజెక్టుకు “ది లాండింగ్ బై బోస్టన్ లివింగ్” అని పేరుపెట్ట‌నున్నారు. ఒప్పందంలో భాగంగా బోస్ట‌న్ లివింగ్ కంపెనీకి జీఎమ్మార్ హైద‌రాబాద్ ఎరోసిటీ సంస్థ‌ ఐదు ల‌క్ష‌ల చ‌ద‌ర‌పు అడుగుల స్థ‌లాన్ని లీజుకు ఇవ్వాల్సి ఉంటుంది.

- Advertisement -

బోస్టన్ లివింగ్ డైరెక్టర్ ఆదిత్య సుర్నేని మాట్లాడుతూ.. అంత‌ర్జాతీయ ప్ర‌మాణాల‌తో నిర్మించిన ఇత‌ర ప్రాజెక్టుల‌లో ఒక‌టిగా ఈ కో-లివింగ్ ప్రాజెక్టు నిలువ‌బోతున్న‌ద‌ని చెప్పారు. ఈ ప్రాజెక్టు మొద‌టి ద‌శ‌ 2022-23 ఆర్థిక సంవ‌త్స‌రం మూడో త్రైమాసికం క‌ల్లా పూర్తవుతుంద‌ని తాము అంచ‌నా వేస్తున్నామ‌ని ఆయ‌న పేర్కొన్నారు. ఈ కో-లివింగ్ ప్రాజెక్టులో ఉండేవారికి బోస్ట‌న్ లివింగ్ సంస్థ‌ భద్ర‌మైన‌, సుర‌క్షిత‌మైన వాతావ‌ర‌ణాన్ని క‌ల్పించ‌నుంది.

దేశంలో బోస్ట‌న్ లివింగ్ కంపెనీకి చెందిన అతిపెద్ద సింగిల్ లొకేష‌న్ కో-లివింగ్ ప్రాజెక్టు హైద‌రాబాద్‌లోని కొండాపూర్‌లో ఉన్న‌ది. ఈ కో-లివింగ్ ప్రాజెక్టులో 500 బెడ్లు అందుబాటులో ఉన్నాయి. కాగా, ప్రొఫెష‌నల్ రియ‌ల్ ఎస్టేట్ నిర్వ‌హ‌ణే ల‌క్ష్యంగా ఏర్పాటైన ఈ ఇంకోర్ సంస్థ.. త‌న మొద‌టి ప్రాజెక్టుగా PBEL సిటీ పేరుతో హైదరాబాద్‌లో రెసిడెన్షియ‌ల్ అపార్ట్‌మెంట్ కాంప్లెక్స్‌ను నిర్మించింది.

Advertisement
-Advertisement-

తాజావార్తలు

Advertisement

ట్రెండింగ్‌

Advertisement
Namasthe Telangana