Visit:
న్యూఢిల్లీ, నవంబర్‌ 29 : ప్రముఖ వాహన సంస్థ బజాజ్‌ ఆటో..తాజాగా ఈ-రిక్ష మార్కెట్లోకి అడుగుపెట్టింది. రిక్కీ సిరీస్‌లో భాగంగా తన తొలి ఆటోను మార్కెట్లోకి అందుబాటులోకి తీసుకొచ్చింది. 5.4 కిలోవాట్ల బ్యాటరీతో తయారైన ఈ ప్యాసింజర్‌ మాడల్‌ ప్రారంభ ధర రూ.1,90,800గా నిర్ణయించింది. అలాగే కార్గొ మాడల్‌ రూ.2,00,876 కి విక్రయించనున్నది.
వీటిలో సింగిల్‌ చార్జింగ్‌తో ప్యాసింజర్‌ ఆటో 149 కి.మీ., కార్గొ ఆటో 164 కి.మీ., ప్రయాణించనున్నది. 4.5 గంటల్లో పూర్తిస్థాయిలో రీచార్జికానున్న బ్యాటరీపై మూడేండ్ల వ్యారెంటీ కల్పిస్తున్నది. దేశవ్యాప్తంగా త్రిచక్ర వాహనాలకు పెరుగుతున్న డిమాండ్‌ను దృష్టిలో పెట్టుకొని ఈ వాహనాన్ని విడుదల చేసినట్టు కంపెనీ వర్గాలు వెల్లడించాయి. ప్రతినెల 45 వేలకు పైగా యూని ట్లు అమ్ముడవుతున్నాయని తెలిపింది.
