యాపిల్‌ మడతపెట్టే ఫోన్‌!

యాపిల్‌ సంస్థ కూడా ఇతర కంపెనీల మాదిరిగానే మడతపెట్టే ఫోన్లను విడుదల చేయడానికి సిద్ధమైంది. వచ్చే నెల 9న ఐఫోన్‌ 17 సిరీస్‌ ఫోన్లను విడుదల చేయనున్న సంస్థ..అదే రోజు వాచెస్‌, ఎయిర్‌ప్యాడ్స్‌ను కూడా అందుబాటులోకి తీసుకోస్తున్నది.

న్యూయార్క్‌, ఆగస్టు 25: యాపిల్‌ సంస్థ కూడా ఇతర కంపెనీల మాదిరిగానే మడతపెట్టే ఫోన్లను విడుదల చేయడానికి సిద్ధమైంది. వచ్చే నెల 9న ఐఫోన్‌ 17 సిరీస్‌ ఫోన్లను విడుదల చేయనున్న సంస్థ..అదే రోజు వాచెస్‌, ఎయిర్‌ప్యాడ్స్‌ను కూడా అందుబాటులోకి తీసుకోస్తున్నది. ఈ సందర్భంగా మడతపెట్టే ఫోన్‌ను కూడా అదే రోజు విడుదల చేస్తారని అందరూ అనుకున్నప్పటికీ దీనిని వచ్చే ఏడాదికి వాయిదావేసింది.

5000 ఎంఏహెచ్‌ బ్యాటరీతో తీర్చిదిద్దిన ఐఫోన్‌ 17 ప్రో మ్యాక్స్‌ అతిపెద్ద డిస్‌ప్లే, కెమెరా పనితీరు మెరుగుపర్చనున్నది. ఈ ఫోన్‌ ధర రూ.89,900 నుంచి రూ.1,64,900 స్థాయిలో ఉంటుందని అంచనా. అలాగే యాపిల్‌ఖ వాచ్‌ అల్ట్రా 3 ఫాస్టర్‌ చార్జింగ్‌, 5జీ సపోర్ట్‌, శాటిలైట్‌ కనెక్టివిటీ, అతిపెద్ద స్క్రీన్‌, బీపీ మానిటరింగ్‌ వంటి ఫీచర్స్‌ ఉన్నాయి.