Maruti Suzuki Swift | మారుతి ‘సిగ’లో మరో మైలురాయి.. 30 లక్షలు దాటిన ‘స్విఫ్ట్’ సేల్స్..!

Maruti Suzuki Swift | దాదాపు రెండు దశాబ్దాల క్రితం.. 2005లో భారత్ మార్కెట్లో ఎంటరైన మారుతి సుజుకి కీలక మైలురాయిని దాటింది. మారుతి సుజుకి ప్రీమియం హ్యాచ్ బ్యాక్ కారు ‘స్విఫ్ట్’.. శుక్రవారం 30 లక్షల యూనిట్లు విక్రయించింది.

June 28, 2024 / 10:24 PM IST

Maruti Suzuki Swift | మారుతి ‘సిగ’లో మరో మైలురాయి.. 30 లక్షలు దాటిన ‘స్విఫ్ట్’ సేల్స్..!

Maruti Suzuki Swift | దేశంలోకెల్లా అతిపెద్ద కార్ల తయారీ సంస్థ మారుతి సుజుకి మరో మైలురాయిని దాటేసింది. దాదాపు రెండు దశాబ్దాల క్రితం.. 2005లో తొలుత భారత్ మార్కెట్లో ఆవిష్కరించిన హ్యాచ్ బ్యాక్ మోడల్ కారు ‘స్విఫ్ట్ (Swift)’.. 30 లక్షల కార్లు విక్రయించిన మైలురాయిని దాటింది. 2005లో తొలుత ఆవిష్కరించినప్పటి నుంచి ఎప్పటికప్పుడు కొత్త ఫీచర్లతో ముందుకు వచ్చింది. ఇటీవలే మారుతి తన స్విఫ్ట్ (Swift) నాలుగో జనరేషన్ కారును మార్కెట్లో ఆవిష్కరించింది.

అసాధారణ పెర్ఫార్మెన్స్, అద్భుతమైన వారసత్వంతో ముందుకు సాగుతున్న స్విఫ్ట్.. యువతరం కోసం రూపొందించింది. అంతే కాదు భావ సారూప్యం గల కస్టమర్లనూ ఆకర్షిస్తోంది. భారత్ మార్కెట్లోకి వచ్చిన ఎనిమిదేండ్లకు 2013 నవంబర్‌లో తొలి పది లక్షల మైలురాయిని దాటింది. మరో ఐదేండ్లకు అంటే 2018లో 20 లక్షల మార్కుకు చేరుకున్నది.

సుజుకి హయబుసా (Suzuki Hayabusa) ఐకానిక్ (Iconic) మోటారు సైకిల్ స్ఫూర్తిగా 2005లో రూపుదిద్దుకున్నదే ఈ స్విఫ్ట్ (Swift) కారు. క్లైమేట్ కంట్రోల్, ఎయిర్ బ్యాగ్స్, యాంటీ లాక్ బ్రేకింగ్ సిస్టమ్ (ఏబీఎస్) వంటి ఫీచర్లతో అందుబాటులోకి వచ్చింది. భారత్ లో అత్యధిక మార్కెట్ తోపాటు ప్రపంచవ్యాప్తంగా 65 లక్షలకు పైగా అమ్ముడైన స్పోర్టీ ప్రీమియం హ్యాచ్ బ్యాక్ మోడల్.