Pimples | మొటిమలు రాకుండా ఆపలేమా? వచ్చాక వదిలించుకోలేమా?

Pimples | నిజమే, మొటిమలు చర్మ సౌందర్యానికి శత్రువులు. అలా అని వాటిని తలుచుకుని భయపడాల్సిన పన్లేదు. మొటిమలకు అనేక కారణాలు. వయసు, హార్మోన్‌ సమస్యలు, ఆహారం, ఒత్తిడి, రోజూ తీసుకునే ఔషధాలు.. ఎటు నుంచి అయినా రావచ్చు. సాధారణంగా మొటిమలు వాటంతట అవే మానిపోతాయి.

Pimples | మొటిమలు ఎందుకొస్తాయి? రాకుండా ఆపలేమా? వచ్చాక వదిలించుకోవడం కష్టమా? నా సందేహం తీర్చండి ప్లీజ్‌!

– ఓ పాఠకురాలు

నిజమే, మొటిమలు చర్మ సౌందర్యానికి శత్రువులు. అలా అని వాటిని తలుచుకుని భయపడాల్సిన పన్లేదు. మొటిమలకు అనేక కారణాలు. వయసు, హార్మోన్‌ సమస్యలు, ఆహారం, ఒత్తిడి, రోజూ తీసుకునే ఔషధాలు.. ఎటు నుంచి అయినా రావచ్చు. సాధారణంగా మొటిమలు వాటంతట అవే మానిపోతాయి. కాకపోతే కొన్నిసార్లు చర్మం మీద మచ్చలు ఏర్పడతాయి. దీన్నే.. పోస్ట్‌ ఇన్‌ఫ్లమేటరీ హైపర్‌ పిగ్మెంటేషన్‌ అని పిలుస్తారు. ఆ నల్లని గుర్తులు మన ఆత్మ విశ్వాసాన్ని దెబ్బతీస్తాయి. మెలనిన్‌ అనే రసాయనం మోతాదుకు మించి ఉత్పత్తి కావడం వల్ల చర్మం ఇలా నల్లబారుతుంది.

ఇలాంటి సందర్భాల్లో అసహనానికి గురికాకూడదు. మొటిమలను గిల్లుకుంటే చర్మానికి మరింత నష్టం కలుగుతుంది. సాధ్యమైనంత వరకు నూనె పదార్థాలు తినడం తగ్గించుకోవాలి. మొహం తుడుచుకోడానికి వాడే తువ్వాలు శుభ్రంగా ఉండేలా చూసుకోవాలి. దిండు కవర్‌ రోజూ మార్చడం ఉత్తమం. చికిత్స విషయానికొస్తే, పరిస్థితిని బట్టి నిపుణులే తగిన వైద్యాన్ని నిర్ణయిస్తారు. మొదట మొటిమల తీవ్రతను తగ్గించడానికి ఏదైనా క్రీమ్‌ సిఫారసు చేస్తారు. ఆ తర్వాత మచ్చలను వదిలించడానికి పైపూత మందులు ఇస్తారు. సమస్య తీవ్రతను బేరీజువేసి లేజర్‌, కెమికల్‌ పీల్‌, మైక్రోడెర్మాబ్రేషన్‌ తదితర ఆధునిక విధానాలను ఎంచుకుంటారు. సమస్య రాకముందే తగిన జాగ్రత్తలు తీసుకోవడం అన్ని విధాలా మంచిది.

డాక్టర్‌ అనున్యా రెడ్డి

ఇ.ఎన్‌.టి సర్జన్‌, ఎలర్జీ స్పెషలిస్ట్‌, ఫేషియల్‌ కాస్మటిక్‌ సర్జన్‌