ఎంత గౌర‌వం ఇచ్చారో.. దానికంటే రెండింతలు ప్రేమిస్తా… అనిల్ యాద‌వ్ వ్యంగ్యాస్త్రాలు

ఏపీ నూత‌న మంత్రి కాకాని గోవ‌ర్ధ‌న్ రెడ్డిపై తాజా మాజీ మంత్రి అనిల్ సెటైర్ వేశారు. కాకాణి త‌న‌కు ఇచ్చిన గౌర‌వం కంటే రెండింత‌లు అధికంగానే గౌర‌వం ఇస్తాన‌ని అనిల్ వ్యంగ్యాస్త్రాలు సంధించారు. అయితే ప్ర‌మాణ స్వీకార మ‌హోత్స‌వానికి కాకాని త‌న‌ను ఆహ్వానించ‌లేద‌ని, అందుకే తాను వెళ్ల‌లేద‌ని అనిల్ స్ప‌ష్టం చేశారు. కాకాణిని త‌న నియోజ‌క‌వ‌ర్గంలోకి ఆహ్వానిస్తానని, కూర్చోని మాట్లాడుకుంటామ‌ని అన్నారు. ఆయ‌న రాష్ట్రానికి మంత్రి అని, మంత్రి హోదాలో ఆయ‌న్ను త‌ప్ప‌కుండా ఆహ్వానిస్తానని ప్ర‌క‌టించారు. తామంతా ఓ కుటుంబ స‌భ్యుల‌ని, సీఎం జ‌గ‌న్ నిర్ణ‌యాన్ని తాము గౌర‌విస్తామ‌ని అనిల్ స్ప‌ష్టం చేశారు.

జ‌న‌సేన ప‌వ‌న్ క‌ల్యాణ్‌పై ఫైర్‌

మాజీ మంత్రి, వైసీపీ ఎమ్మెల్యే అనిల్ తీవ్రంగా మండిప‌డ్డారు. ప‌వ‌న్ కల్యాణ్ భీమ్లా నాయ‌క్ కాద‌ని, బిచ్చ నాయ‌క్ అని ఘాటు వ్యాఖ్య‌లు చేశారు. మాజీ సీఎం చంద్ర‌బాబు వ‌ద్ద భిక్షం అడుక్కునే బిచ్చ నాయ‌క్ అని విమ‌ర్శించారు. ప‌వ‌న్ అభిమానులు త‌న‌పై ఎన్ని ట్రోల్స్ చేసినా, తన‌కు భ‌యం లేద‌ని అనిల్ స్ప‌ష్టం చేశారు.