Ambati Rambabu | మాజీ మంత్రి అంబటి రాంబాబు అరెస్టు

Ambati Rambabu | మాజీ మంత్రి, వైసీపీ సీనియర్‌ నేత అంబటి రాంబాబును పోలీసులు అరెస్టు చేశారు. ఏపీ సీఎం చంద్రబాబు నాయుడిపై అనుచిత, అసభ్యకర వ్యాఖ్యలు చేశారనే ఆరోపణల నేపథ్యంలో ఆయన్ను అదుపులోకి తీసుకున్నారు.

Ambati Rambabu | మాజీ మంత్రి, వైసీపీ సీనియర్‌ నేత అంబటి రాంబాబును పోలీసులు అరెస్టు చేశారు. ఏపీ సీఎం చంద్రబాబు నాయుడిపై అనుచిత, అసభ్యకర వ్యాఖ్యలు చేశారనే ఆరోపణల నేపథ్యంలో ఆయన్ను అదుపులోకి తీసుకున్నారు. టీడీపీ నేత పిల్లి మాణిక్యరావు ఫిర్యాదు మేరకు ఒక కేసు, సుమోటోగా మరో కేసు నమోదు చేశారు. బీఎన్‌ఎస్‌ 126(2), 132, 196(1), 352, 351(2), 292 రెడ్‌ విత్‌ 3(5) సెక్షన్ల కింద కేసులు నమోదు చేసి అరెస్టు చేశారు.

అంతకుముందు గుంటూరులోని అంబటి రాంబాబు ఇల్లు, కార్యాలయంపై టీడీపీ నేతలు, కార్యకర్తలు దాడులకు తెగబడ్డారు. టీడీపీ కార్యకర్తల దిగ్బంధనంలో ఉన్న అంబటి కార్యాలయంపై శనివారం రాత్రి 10 గంటలు దాటిన తర్వాత రెండో సారి దాడికి తెగబడ్డారు. సుత్తులతో గోడలు బద్దలు కొట్టే ప్రయత్నంచేశారు. పెద్ద దుంగలతో అద్దాలను పగులగొట్టారు. ఈ నేపథ్యంలో అంబటి నివాసం వద్ద ఉద్రిక్త వాతావరణం నెలకొంది.