ఎల్లుండి నుంచి శ్రీశైలంలో స్పర్శ దర్శనం.. కొవిడ్‌ రూల్స్‌ తప్పనిసరి

శ్రీశైలం | ప్రముఖ శైవక్షేత్రం శ్రీశైలంలో ఈ నెల 18 నుంచి భక్తులను స్వామివారి స్పర్శ దర్శనానికి అనుమతి ఇవ్వనున్నట్లు ఆలయ ఈఓ కేఎస్‌ రామారావు తెలిపారు.

శ్రీశైలం : ప్రముఖ శైవక్షేత్రం శ్రీశైలంలో ఈ నెల 18 నుంచి స్వామివారి స్పర్శ దర్శనానికి భక్తులను అనుమతించనున్నట్లు ఆలయ ఈఓ కేఎస్‌ రామారావు తెలిపారు. ప్రతిరోజు గర్భాలయంలో ఏడు విడతలుగా అభిషేకాలు, నాలుగు విడతలుగా సామూహిక అభిషేకాలు నిర్వహిస్తామని ఆయన వెల్లడించారు. కొవిడ్‌ నేపథ్యంలో భక్తులను పరిమిత సంఖ్యలో మాత్రమే అనుమతించనున్నట్లు పేర్కొన్నారు. అంతరాలయంలో భ్రమరాంబదేవికి ఆర్జిత కుంకుమార్చనలు జరుగుతాయని స్పష్టం చేశారు. వేదాశీర్వచనాలు, నవావరణ పూజలు పునరుద్ధరిస్తున్నట్లు ఈఓ వివరించారు. దర్శనానికి వచ్చే భక్తులు విధిగా కొవిడ్‌ నిబంధనలు పాటించాలని ఆయన కోరారు. స్వామివార్ల స్పర్శదర్శనం, ఆర్జిత సేవలకు హాజరయ్యే భక్తులు తప్పనిసరిగా సంప్రదాయ వస్త్రాలు ధరించాలని విజ్ఞప్తి చేశారు. నిబంధనలు పాటించి భక్తులు ఆలయ అధికారులకు సహకరించాలని ఈఓ కోరారు.