Muncipal workers Strike | ఏపీలో 12వ రోజుకు చేరిన మున్సిపల్‌ కార్మికుల సమ్మె.. మరోదఫా చర్చలకు ప్రభుత్వం ఆహ్వానం

Muncipal workers Strike | తమ సమస్యలను పరిష్కరించాలని కోరుతూ ఏపీలో మున్సిపల్‌ పారిశుద్ధ కార్మికులు(Sanitaion Workers) చేపట్టిన సమ్మె (Stirke) 12వ రోజుకు చేరుకుంది .

ఆహ్వానం : తమ సమస్యలను పరిష్కరించాలని కోరుతూ ఏపీలో మున్సిపల్‌ పారిశుద్ధ కార్మికులు(Sanitaion Workers) చేపట్టిన సమ్మె (Stirke) 12వ రోజుకు చేరుకుంది . సమ్మెను ఉధృతం చేయడంలో భాగంగా శనివారం మున్సిపల్‌ కార్యాలయాల ముట్టడికి యత్నించిన  మున్సిపల్‌ కార్మికులను పోలీసులు అరెస్టు (Arrest ) చేశారు. విశాఖ జీవీఎంసీ గాంధీ విగ్రహం వద్ద మున్సిపల్‌ కార్మికులు నిరసనకు వెళ్తు్ండగా వారిని ముందుగానే పోలీసులు ముందుగానే అదుపులోకి తీసుకున్నారు.

ఒంగోలులో ప్రైవేటు కార్మికులతో పనులు చేయిస్తుండగా మున్సిపల్‌ పారిశుద్ధ్య కార్మికులు అడ్డుకోవడంతో కొంత ఉద్రిక్త పరిస్థితులు ఏర్పడ్డాయి. గత 12 రోజులుగా కార్మికుల సమ్మెతో జిల్లాలో పారిశుద్ధ్య నిర్వహణ అస్తవ్యస్థంగా మారడంతో ప్రజలు ఇబ్బందులు పడుతున్నారు. ఈ సమస్యను పరిష్కరించేందుకు గాను రంగంలోకి దిగిన ప్రభుత్వం ఇప్పటికే కార్మిక సంఘ నాయకులతో జరిపిన చర్చలు విఫలమయ్యాయి .

శనివారం సాయంత్రం మరో దఫా చర్చలు జరిపేందుకు మంత్రులు బొత్స సత్యనారాయణ(Botsa Satyanarayana) , ఆదిమూలపు సురేష్ (Suresh) కార్మిక సంఘాల నాయకులను ఆహ్వానించారు. పెరుగుతున్న ధరలకు అనుగుణంగా కార్మికులకు జీతాలు పెంచాలని, కనీస వేతనం రూ.26 వేలు ఇవ్వాలని, సమాన పనికి సమాన వేతనం ఇవ్వాలని కార్మికులు డిమాండ్ చేస్తున్నారు.