Minister Payyavula Kesav | జగన్‌ శాసనసభకు రావాలి.. ప్రజా సమస్యలపై మాట్లాడాలి : పయ్యావుల కేశవ్‌

Minister Payyavula Kesav | ఏపీ శాసనసభ వ్యవహారాల మంత్రిగా పయ్యావుల కేశవ్ ‌ బాధ్యతలు చేపట్టారు.

అమరావతి : ఏపీ శాసనసభ వ్యవహారాల మంత్రిగా పయ్యావుల కేశవ్ ‌(Minister Payyavula Kesav) బాధ్యతలు చేపట్టారు. బుధవారం సచివాలయంలోని కార్యాలయంలో పూజలు నిర్వహించి బాధ్యతలు తీసుకున్నారు. ఈ సందర్భంగా శాసనసభ ఏర్పాట్లకు సంబంధించిన దస్త్రంపై తొలి సంతకం చేశారు. ఈనెల 21,22వ తేదీల్లో అసెంబ్లీ నిర్వహణ (Assembly Meetings) పై సంతకాలు చేసి అధికారులతో సమీక్ష నిర్వహించారు.

అనంతరం ఆయన మీడియాతో మాట్లాడుతూ ప్రజల కోసం, ప్రజా సంక్షేమానికి సభ అనేలా సమావేశాలు నిర్వహిస్తామని పేర్కొన్నారు. వైసీపీ నేత, మాజీ ముఖ్యమంత్రి వైఎస్‌ జగన్‌(YS Jagan) సభకు రావాలని, సమస్యలపై మాట్లాడాలనే కోరుకుంటున్నామని తెలిపారు. సభలో స్వపక్షమైనా, విపక్షమైనా మేమేనని స్పష్టం చేశారు. ప్రజల కోసం ఏ పాత్ర పోషించడానికైనా సిద్ధంగా ఉంటామని అన్నారు. రాష్ట్ర అభివృద్ధిపై సభలో అర్ధవంతమైన చర్చలు జరగాలని ఆకాంక్షించారు.